Kua ti pionnier

E yeke sara kua na ngangu ti e nzoni tongana e zia aye na gbele e ti sara mingi ndali ti Jéhovah (1aC 9:26). Ngoi so angbâ ti tene a futi sioni dunia so ayeke mingi ape, aye so e zia na gbele e ayeke aidé e ti sara kua na ngoi ti e nzoni (aÉp 5:15, 16). Na ngoi so ala yeke voro Nzapa na sewa, ala peut ti sara lisoro na ndö ti aye so ala zia na gbele ala ti sara ndali ti fini ngu ti kusala. Ti mû maboko na ala, na yâ ti Mbeti ti bungbi so ala yeke wara a-article so asara tënë na ndö ti aye so ala lingbi ti zia na gbele ala so ala lingbi ti gbu li dä nga ti sambela ndali ni.—Jac 1:5.

Na tapande, eskê azo ti sewa ni kue apeut ti sara kua maboko na maboko ti aidé kamême mbeni oko ti sû demande ti pionnier permanent? Tongana mo yeke sûr ape ti wara l’heure so a hunda, sara lisoro na ambeni pionnier so dutingo ti ala akpa ti mo (aPr 15:22). Peut-être, mo peut ti hunda tënë na mbeni pionnier na ngoi ti vorongo Nzapa na sewa ti mo. Na pekoni sû na mbeti aprogramme so apeut ti aidé mo. Tongana mo yeke pionnier ândö, bâ wala dutingo ti mo ayeke mû lege na mo ti ga ni encore.

Ambeni zo na yâ ti sewa ti mo apeut ti mû kua ti pionnier auxiliaire nze oko wala mingi? Tongana mo yeke na ngangu mingi ape, peut-être mo peut ti sara ni tongana mo mû ngoi kete ti fa tënë lango oko oko. Tongana mo yeke na ngoi mingi ti sigi na milieu ti yenga ape ndali ti kua wala ekole, peut-être mo peut ti soro mbeni nze so férié wala so week-end ayeke dä oku. Na sewa mû ngoi ti zia ambeni ye na gbele mo ndali ti ngu ti kusala so ayeke ga. Sû na lê ti calendrier ngoi so mo leke ti mû kua ti pionnier auxiliaire nga sû programme so mo sara.—aPr 21:5.

BÂ VIDÉO DUTI ZO SO ASARA YE NA MBETO PËPE . . . PIONNIER, NA PEKONI HUNDA TËNË SO:

• Tongana nyen la Jéhovah abâ lege ti Ita-wali Aamand? Ye so afa na e nyen?