Wara ndara ndali ti gigi ti lâ oko oko na ndö ti JW.ORG

Mbeti ti Nzapa amû na e ye kue so e yeke na bezoin ni ti hon ndö ti akpale na lâ ti nda ni so (2Tm 3:1, 16, 17). Me, na ambeni ngoi peut-être e bezoin mungo maboko ti wara amama-ndia ti Bible na ndö ti mbeni mbilimbili ye. Na tapande, mo yeke mbeni babâ wala mama so ayeke gi wango na ndö ti batango amolenge? Mo yeke mbeni maseka so mbeni ye ayeke tara mabe ti mo? Mo yeke mbeni zo so wali wala koli ti mo akui na mo yeke sara vundu ndali ni? Mo yeke wara na ndö ti jw.org asango so afa na mo ambilimbili mama-ndia ti Bible so ayeke aidé mo ti hon ndö ti akpale so nga na ambeni mingi.—aPr 2:3-6.

Na ndö ti jw.org na kozo place, gue na AYE SO BIBLE AFA. (Bâ foto 1.) Na yâ ti liste so ayeke na gbe ni, soro mbage so mo ye. Wala soro BIBLIOTHÈQUE > ARUBRIQUE nga mbage so mo ye. (Bâ foto 2.) Mo peut ti wara ambage ni so nga na ndö ti JW Library^®.a Peut-être a yeke nzere na mo ti gue dä ti wara a-article na mbeni oko ti aplace ni so. Mbeni lege ti wara mbeni mbilimbili tënë ayeke ti sara kua na place ti recherche so ayeke na ndö ti jw.org.

Pika atënë so na gbe ni ge so na yâ ti place ti recherche ni, na zia note na terê ti article so mo ye ti diko.

• Batango akete molenge

• Évolution

• Kuâ ti koli wala wali ti mo