GIGI TI E TI CHRÉTIEN
Gi ti hinga pensé ti Nzapa
E ye ti zia ngia na bê ti Jéhovah na yâ ti aye kue so e sara (aPr 27:11). Ti sara ni, e bezoin ti mû adesizion so ague oko na apensé ti lo même na ngoi so mbeni mbilimbili ndia wala mbeni commandement ayeke dä ape ti fa lege na e. Nyen la apeut ti aidé e?
Ngbâ ti manda Bible lakue. Na ngoi kue so e diko Bible, a yeke mo bâ mo tene e yeke passé mbeni ngoi na Jéhovah. E peut ti manda ye na ndö ti fason so Jéhovah ayeke pensé na ni tongana e bâ lege so lo sara ye na azo ti lo nga tongana e bâ tapande ti azo so asara nzoni ye wala sioni ye na lê ti lo. Na ngoi so e bezoin ti mû mbeni desizion, yingo vulu apeut ti aidé e ti dabe ti e na akpengba ye ti manda nga na amama-ndia so e manda na yâ ti Bible.—Jn 14:26.
Sara recherche. Na ngoi so mo yeke na mbeni desizion ti mungo ni, hunda terê ti mo: ‘Aversê wa wala ambaï wa la na yâ ti Bible apeut ti aidé mbi ti hinga bango ndö ti Jéhovah na ndö ti tënë ni?’ Sambela Jéhovah ti aidé mo nga sara recherche na lege ti agbakuru so ayeke na yanga ti kodro ti mo ti aidé mo ti wara amama-ndia nga ti sara ye alingbi na ni na yâ ti situation ti mo.—Ps 25:4.
BÂ VIDÉO A LINGBI E ‘GBU NGANGU E KPE LORO’: TE ANZONI KOBE, NA PEKONI KIRI TËNË NA AHUNDA SO:
Na yâ ti vidéo so, aye wa la asara ngangu na ndö ti ita-wali so ayeke maseka so?
Tongana nyen la mo peut ti sara kua na agbakuru ti e ti sarango na recherche ti aidé mo ti gbu ngangu na yâ ti mara ti aye so?
Tongana nyen la ye ti nzoni so e yeke wara tongana e mû ngoi ti sara recherche nga ti manda ye e wani apeut ti aidé e ti mû anzoni desizion?—aHb 5:13, 14