GIGI TI E TI CHRÉTIEN

Sara ye na tâ ndoye tongana ti Jéhovah

Jéhovah azia nzoni tapande so ahon atanga ni kue ti tâ ndoye (Ps 103:11). Ndoye ni so ayeke pëpe mbeni sentiment so ayeke hon gï hio tongaso. Tâ ndoye andu yengo mbeni zo mingi aninga. Jéhovah afa sarango ye so na mbage ti azo ti lo, Israël, na alege mingi. Lo zi ala lani na ngbâa na Égypte na lo gue na ala na Sese ti zendo (Ps 105:42-44). Lo tiri ndali ti ala nga fani mingi lo pardonné ala na ngoi so ala sara siokpari (Ps 107:19, 20). Tongana e ‘gbu li nzoni na ndö ti aye so Jéhovah asara ti fa tâ ndoye ti lo,’ a yeke pusu e ti sara ye tongana lo.—Ps 107:43.

Afoto: A mû afoto so na yâ ti vidéo ‘Gbu li nzoni na ndö ti aye so Jéhovah asara ti fa tâ ndoye ti lo’ 1. Ita-koli Capra na mbeni ita-koli ayeke sara vizite na mbeni ita-wali na yanga-da ti ita-wali ni. 2. Ita-koli Capra na ambeni ita-koli ayeke fadeso na da ti kanga, lo yeke mû kobe na mbeni ita-koli so terê ti lo ason so ayeke na ndö ti gbogbo.

BÂ VIDÉO ‘GBU LI NZONI NA NDÖ TI AYE SO JÉHOVAH ASARA TI FA TÂ NDOYE TI LO,’ NA PEKONI KIRI TËNË NA AHUNDA SO:

Na alege wa la e peut ti fa so e sara ye na tâ ndoye?

Your answer
Ngbanga ti nyen la ti sara ye na tâ ndoye ahunda ti sara asacrifice?

Your answer