Sara kua na aye so ayeke na kozo place ti JW.ORG na fango tënë

Na kozo place ti site ti e, a yeke wara a-article nga na avidéo so asigi na ni ti ndu bê ti azo, so ayeke aTémoin ti Jéhovah ape, so aye Nzapa (Kus 13:48). Fani mingi a yeke sara tënë na ndö ti atënë so ayeke na yâ ti asango wala atënë so azo ayeke pensé na ndö ni nga ala yeke sara tënë na ndö ni.

Tongana nyen la mo peut ti sara kua na aye so ayeke na kozo place ti jw.org na fango tënë?

• Gue lakue na ndö ti site ni ti bâ aye so ayeke dä. Bâ aye so ayeke dä nga gi ti bâ tongana nyen la mo peut ti sara kua na ni ti aidé azo so asara nzara ti tënë ni. (Ti wara ambeni ye so asigi na kozo place ade ti ninga ape, gue na “Bâ ambeni ye ni.”) Ti hinga lakue afini ye so asigi na ndö ti site ni ayeke aidé mo ti wara afini ye ti sara kua na ni na fango tënë.

• Sara kua na a-article nga na avidéo so ayeke na kozo place ti to nda ti mbeni lisoro. Aye ni so apeut ti sara si e hinga ye so peut-être azo ti territoire ti e ayeke pensé na ni.

• Fa na azo kozo place. Gboto lê ti azo na ndö ti ambeni mbilimbili tënë nga fa na ala tongana nyen ti gi ni na ndö ti site.

• Tokua lien ni na azo. Ambeni zo aye ti sara lisoro na e lê na lê ape, me ala ye ti gue na ndö ti site ti e. Tongaso, duti nduru ti tokua na azo so aye tënë ni mbeni lien ti kozo place wala ti mbeni mbilimbili article wala vidéo so ayeke na kozo place.