Hengo ngia asara si mbeni nzoni ye asi

Helen ayeke he ngia na ngoi so lo yeke luti na terê ti présentoir. Awali use ayeke hon.

AMASEKA-WALI use ayeke tambela lani na gbata ti Baguio, na Philippines. Ala bâ mbeni présentoir, me ala gue na terê ni ape. Helen, ita-wali so aluti na terê ti présentoir ni, abâ ala na ngia na yanga ti lo. Awali ni ahon gï hongo, me ala girisa ngia ti Helen ni ape.

Na pekoni, na ngoi so ala mû bus ti kiri na yanga-da, ala bâ kota jw.org na terê ti mbeni Da ti Royaume. Ala rappelé so mara mbeti so ala bâ fade na terê ti présentoir so la. Ala descend na yâ ti bus ni ala bâ kapa ti abungbi so acongrégation nde nde ayeke sara na Da ti Royaume ni.

Amême wali so ahe ngia na ngoi so ala bâ Helen na Da ti Royaume.

Awali ni use kue aga na mbeni bungbi ti peko. Na ngoi so ala yeke lï na Da ti Royaume, ala bâ Helen, na li ti ala akpe. Hio ala hinga so zo so ahe lani ngia na ala so la. Helen atene: “Mbi gi bê ti mbi kete na ngoi so ala yeke ga na terê ti mbi. Mbi pensé mbi tene wala mbi sara mbeni ye na lege ni ape?” Me awali ni afa na Helen ye so apassé lani.

Bungbi ni anzere na ala na ala bâ so ala duti nzoni na terê ti aita, mo bâ mo tene ala yeke na yanga-da ti ala. Na ngoi so ala bâ so aita ayeke nettoyé ndo na peko ti bungbi, ala hunda wala ala peut ti mû maboko dä. Mbeni wali ni aquitté kodro ni, me oko ni angbâ ti ga lakue na abungbi nga lo komanse ti manda Bible. Hengo ngia asara si mbeni nzoni ye asi.