Manda ye na lege ti afoto

Ambeti ti e asi singo na afoto so afa akota ye ti manda. Tongana nyen la mo peut ti manda ye na lege ni?

• Bâ afoto ni kozo ti diko article ni. Afoto ni apeut ti pusu mo ti gi ti hinga aye nga ti diko article ni. Tongana mo bâ mbeni pendere kobe na yâ ti sembe, a yeke nzere na mo ti te ni. Legeoko nga, mo yeke duti na nzara mingi ti diko mbeni article tongana mo bâ afoto ni kozo. Tongaso, kozo ti diko ni hunda terê ti mo: ‘Mbi bâ nyen?’—Amos 7:​7, 8.

• Na ngoi so mo yeke diko article ni, gbu li na ndö ti ndani so a zia afoto ni dä. Diko atënë ti terê ti foto ni wala nda ti afoto ni tongana ayeke dä. Gbu li ti bâ tongana nyen la foto ni ague oko na tënë so ayeke na yâ ti article ni nga tongana nyen la mo peut ti sara ye alingbi na foto ni na yâ ti gigi ti mo.

• Na peko ti so mo diko article ni, bâ afoto ni encore ti dabe ti mo na akota tënë ti article ni. Na peko ni, kanga lê ti mo na gi ti dabe ti mo na afoto ni nga na ye so mo manda dä.

• Kiri mo bâ afoto so ayeke na yâ ti Tour ti Ba Ndo so nga bâ wala mo peut ti dabe ti mo na akota tënë ti yâ ti a-article ni.