Azo ayeke buba sese: Bible atene nyen na ndö ni?

António Guterres so ayeke secrétaire général ti Nations Unies asara tene ti rapport (Intergovernmental Panel, na ndö ti changement ti climat ti lango 4 ti avril 2022) lo tene: “Mingi ti aye so azo ayeke sara ayeke gue ande hio ti buba aye so angoro e. Ngu ayeke suku ti mû yâ ti akota gbata. Ndo ayeke chauffé mingi ahon ti kozo. Akota pupu so amû mbeto mingi ayeke yä. E yeke wara kpale ti ngu na ando nde nde. Mara ti akeke nga na anyama kutu mingi ayeke duti dä ande encore ape. So ayeke tënë ti tere la ape wala ayeke ti exagéré tënë ni ape. A yeke ye so ascientifique atene ayeke si tongana agouvernement achangé ape lege so azo ayeke sara kua na aye tongana charbon, gaz, nga na essence”.

Na yâ ti mbeni article ti mbeti (The New York Times, ti lango 15 ti Juin 2022) so li ni ayeke “Kpale ti ngu so asuku amû ndo na Yellowstone: mbeni signe ti akpale so ayeke ga”, a tene: “Ascientifique atene so na yâ ti angu so ayeke ga, achangement ti climat ayeke buba ande aparc 423 [na États-Unis], mbilimbili ndali ti so na ando tongaso aye apeut ti buba ngangu tongana ndo achauffé mingi. Asioni ye so apeut ti si akpa akpale tongana ti so e diko na yâ ti Bible: Wâ nga na ngu so asuku amû ndo, akota glason aga ngu, kota ngu ingo asuku nga ndo achauffé”.

Êske a peut ti leke akpale ti aye so angoro e? Tongana ayeke tongaso, zo wa la alingbi ti leke ni? Bâ ye so Bible atene na ndö ni.

Bible atene kozo awe so azo ayeke buba aye so angoro e

Bible atene kozo awe so Nzapa ayeke ‘futi azo so ayeke futi sese.’ (Apocalypse 11:18). Versê ti Bible so afa na e aye ota:

1. 1. Aye so azo ayeke sara ayeke buba ande sese ngangu.

2. 2. Bubango ti sese ayeke hunzi ande.

3. 3. A yeke Nzapa la ayeke hunzi ande akpale ti aye so angoro e, me azo ape.

Sese ayeke ga ande nzoni

Bible atene kozo awe so “sese ayeke ngbâ kpu na kpu.” (Zo-ti-fa-tene 1:4). A yeke ngbâ lakue ti tene azo aduti dä.

• “Sese ayeke ga ande ye ti azo ti mbilimbili, na ala yeke ngbâ na ndö ni lakue lakue.”—Psaume 37:29.

Sese ti e ayeke kiri ande ti ga nzoni mingi.

• “Benyama nga na ndo so ahule ngangu ayeke duti ande na ngia mingi; kpangbala ndo ti désert ayeke duti ande na ngia, nga apendere fleur ayeke sigi dä gbani gbani.”—Ésaïe 35:1.