Eskê Nzapa la aleke Zabolo?

Kiringo tënë ti Bible

Bible afa so ayeke Nzapa la aleke Zabolo ape. Me, Lo leke mbeni zo so na pekoni aga Zabolo. Bible atene tënë so na ndö ti Nzapa: “Lo yeke Nzapa so ayeke be-ta-zo, lo sara ye lakue mbilimbili. Lo yeke mbilimbili na lo yeke sara ye na lege ni.” (Deutéronome 32:3-5). Na ndö ti tënë so, e lingbi ti tene so Satan Zabolo ayeke ândö nzoni-kue nga mbilimbili, teti so lo yeke lani mbeni molenge ti Nzapa so ayeke ange.

Na Jean 8:44, Jésus atene so Zabolo ‘angbâ na yâ ti tâ tënë pëpe,’ so ti tene na mbeni ngoi lani lo yeke tene tâ tënë nga tënë ayeke na li ti lo ape.

Me, tongana ti tanga ti azo kue, ange so na pekoni aga Satan so ayeke nga na liberté ti soro ye ti nzoni na ye ti sioni. So lo soro ti ke yanga ti Nzapa nga lo pusu kozo koli na kozo wali ti mû peko ti lo, lo wani lo sara si lo ga Satan, so ti tene “Zo ti lutingo na.”—Genèse 3:1-5; Apocalypse 12:9.