Kete tënë na gbe ni

a Lege so ambeni Bible akiri na peko ti tënë ngoi ti “singo” ayeke na lege ni pëpe. Ni la, atënë so Jésus atene ayeke mû lege na e ti hinga mbilimbili ye so tënë so aye ti tene. Na yâ ti ambeni Bible, a kiri na peko ti tënë so na tënë “gango” wala “ti kiri ti ga”, aye so kue asi a ninga pëpe. Ye oko, bâ so Jésus ahaka ngoi ti singo ti lo pëpe na Kota Moa ti ngoi ti Noé, mbeni ye so asi a ninga pëpe. Me lo haka ni na “ngoi ti Noé”, mbeni ngoi so ague a ninga, na so na yâ ni ambeni kpengba ye asi dä. Legeoko tongana ti so a si lani na ngoi ti Noé, na ngoi ti singo ti Christ, azo ayeke mû ngoi ti ala kue ti sara gi akua ti ala ti lâ oko oko, na ala yeke bi bê pëpe na ndo ti aye so a yeke gi ti fa na ala.