7. Ngbanga ti nyen la Jéhovah atene na Ézéchiel ti kangbi yâ ti kuä ti li ti lo nga na kuä ti yanga ti lo so lo kio ni na mbage ota na ti sara ye na ni na afason nde nde?

⁷ Ngbanga ti nyen la Jéhovah atene na Ézéchiel ti kangbi yâ ti kuä ti li ti lo nga na kuä ti yanga ti lo so lo kio ni so na mbage ota nga ti sara ye na ambage ni so na afason nde nde? (Diko Ézéchiel 5:7-12.) Ézéchiel azö mbeni mbage ni “na yâ ti gbata ni” ti fa na azo so ayeke bâ lo so a yeke fâ ande ambeni zo ti Jérusalem na yâ ti gbata ni. Ézéchiel afâ yâ ti mbeni mbage ni na épée lo “ngoro na gbata ni kue” ti fa so a yeke fâ ambeni zo ti Jérusalem na gigi ti gbata ni. Lo tuku tanga ti mbage ni ti tene pupu akangbi yâ ni ti fa so a yeke kangbi yâ ti ambeni zo ti Jérusalem na popo ti amara, me “épée” ayeke “tomba peko” ti ala. Tongaso, atâa ndo wa la ala so asö kuâ ayeke duti dä, ala yeke duti na siriri ape.

• 

  ‘Zö ni’

  Ambeni zo ayeke kui na yâ ti gbata ni

• 

  “Fâ yâ ni”

  Ambeni zo ayeke kui na gigi ti gbata ni

• 

  “Tuku ni”

  Ambeni zo ayeke kpe, me ala yeke duti na siriri ape

¹⁰ Bible afa so ambeni zo ti abungbi ti nzapa ti wataka ayeke sö ande kuâ na ngoi so a yeke futi abungbi ti nzapa ti wataka. Na mbeto, azo so asö kuâ nga na tanga ti azo kue, a londo na akota zo ti si na asenge zo, ayeke gi mbeni ndo ti honde terê ti ala dä (Zach. 13:4-6; Apoc. 6:15-17). Dutingo ti ala asara si e pensé na ye so asi lani na azo ti Jérusalem ti giriri so asö kuâ na ngoi ti futingo gbata ni nga so “pupu akangbi yâ” ti ala. Tongana ti so e bâ na paragraphe 7, atâa so ala kui na ngoi ni so ape, Jéhovah agboto ‘épée ti lo ti tomba peko’ ti ala (Ézéch. 5:2). Legeoko nga, atâa ndo wa la azo so asö kuâ na peko ti so a futi abungbi ti nzapa ti wataka akpe dä ti bata terê ti ala, épée ti Jéhovah ayeke wara ala. A yeke fâ ala legeoko na azo kue so ayeke tongana angasa na ngoi ti Harmaguédon.​—Ézéch. 7:4; Mat. 25:33, 41, 46; Apoc. 19:15, 18.