“A yeke nzoni mbi zia l’heure oke na lê ti rapport ti mbi?”

Mo hunda mara ti tënë tongaso lâ oko awe? Mo yeke wara aye so a fa na ndo ni na lembeti 86-87 ti buku Bungbi. Ngoi na ngoi a yeke fa ambeni tënë na ndo ni, tongana ti so ayeke na yâ ti Hundango ndo so ayeke na yâ ti Kusala ti Royaume ti septembre 2008. Teti so dutingo ti azo ayeke nde nde, a mû pëpe na e mbeni molongo ti andia na ndo ni. Tongaso, a yeke duti na lege ni pëpe ti tene a-ancien wala ambeni ita akiri azia ambeni ndia na ndo ni.

Tongana mbeni hundango tënë alondo, si mbeni mbeti oko asara tënë na ndo ni pëpe, wafango tënë oko oko alingbi ti hunda tere ti lo: Mbi mû lani l’heure ni so kue ti fa gi na tënë? Wala na yâ ti l’heure ni so mbi sara mbeni ye nde so abâ nga kua ti fango tënë pëpe? A yeke nzoni ye so e yeke zia na ndo ti rapport ti e nze na nze amû ngia na e me pëpe ti tene yingo-ti-hinga ti e asara si e gi bê ti e gingo (Kus. 23:1). Biani, ye so agbu bê ti e kozoni kue ayeke pëpe tongana nyen ti diko l’heure, me a yeke ti sara kusala nzoni na l’heure ti e na sarango kusala ngangu na ngoi ti fango tënë.​—aHéb. 6:11.