Mo yeke bâ nga asango so a zia na tableau?

A-ancien, awakua ti mungo maboko nga na ambeni ita so ayeke na akungba na yâ ti congrégation ayeke bâ ka lakue tableau ti asango ti bâ wala a mû na ala kua ti sarango ni. Me, aita kue ayeke wara akpengba sango dä. Mo hinga lango so ayeke tour ti mo ti leke yâ ti Da ti Royaume? Surveillant ti circonscription wala bureau ti filiale atokua mbeni kpengba lettre na congrégation? Mo hinga kota li ti tënë ti diskur ti yenga so ti tene mo tisa na awamandango Bible ti mo? A gbian ambeni ye na yâ ti kapa ti bungbi wala kapa ti fango tënë ti groupe ti mo? A yeke sara mbeni pëpe tokua ti mingi ti asango so na ngoi ti abungbi, na a-ancien alingbi pëpe ti sara tënë ni na aita oko oko kue. Tongaso, a lingbi e bi lê lakue na tableau ti wara asango. Tongana e yeke gue lakue ti bâ ndo na tableau ti wara asango, fade aye kue ayeke tambela na “lege ni nga na yâ ti wusuwusu pëpe.”​—1 aCor. 14:40.