Bia 97
Awakua ti Royaume, e gue!
1. E gue e fa tënë ti Royaume
na azo ti kodro kue.
So e ndoye azo na bê kue,
e yeke kpengba ala.
E ye kusala ti Jah mingi;
e ye ti fa ye so lo ye.
Mo ngbâ lakue ti fa gi tënë;
fa nzoni ti iri ti Jah.
(LI TI BIA)
E gue lakue ti fa tënë ti Royaume na sese kue.
E ngbâ lakue be-ta-zo, gi na mbage ti Jéhovah.
2. E kue e ngbâ ti gue na li ni
ti wara futa ti e.
E mû tapande ti Jésus Christ
na bê so andoye Jah.
A lingbi azo amä ye so:
Royaume ti Jah ayeke ga.
E fa tënë na ngangu ti Jah;
na lo, mbeto akpe awe!
(LI TI BIA)
E gue lakue ti fa tënë ti Royaume na sese kue.
E ngbâ lakue be-ta-zo, gi na mbage ti Jéhovah.
3. Kete kundu nga na ambeni
ngasangbaga ti Jésus,
mbakoro nga na maseka kue,
angbâ be-ta-zo lakue.
E ye kusala ti e mingi,
na bê kue e voro Nzapa.
Zia e tambela nzoni lakue
ti fa so e lingbi biani.
(LI TI BIA)
E gue lakue ti fa tënë ti Royaume na sese kue.
E ngbâ lakue be-ta-zo, gi na mbage ti Jéhovah.
(Bâ nga Ps. 23:4; Kus. 4:29, 31; 1 Pi. 2:21.)