Nze ti août ayeke duti ande mbeni kota ngoi ti kusala!

1. So anniversaire ti ngu ngbangbo oko so a dü Royaume ti Nzapa aga nduru awe, kota kapa wa ayeke duti ande dä na yâ ti dunia kue?

¹ Anniversaire ti ngu ngbangbo oko so a dü Royaume ti Nzapa aga nduru awe. A yeke biani ye ti nzoni mingi ti gonda Jéhovah na mungo mbage na mbeni kapa so ayeke tâ nde mingi! Na nze ti août e yeke mû ande mbage na kota kapa ti kangbingo mbeni fini tract na yâ ti dunia kue so li ni ayeke: Na ndo wa la a yeke kiri tënë na angangu hunda ti e? Tract so ayeke pusu azo so ayeke diko ni ti gi akiringo tënë ni na yâ ti Bible nga ayeke fa tongana nyen site jw.org alingbi ti mû maboko na ala.

2. Tongana nyen la e lingbi ti sepela Jéhovah nga ti “dekongo ngangu” na nze ti août so ayeke ga?

² Mbeni ngoi ti gonda Jéhovah ngangu: Ti mû maboko na awafango tënë ti fa tënë mingi, a leke mbeni ye so ayeke nde ti mû maboko na ala so aye ti mû kua ti pionnier auxiliaire na nze ti août. Na nze ni so, awafango tënë so awara batême awe alingbi ande ti mû kua ti pionnier auxiliaire teti l’heure 30. Teti so nze ti août ayeke na vendredi oku, samedi oku, nga na dimanche oku, mingi ti awafango tënë so ayeke sara kua wala so ayeke gue na ekole alingbi ande ti mû kua ti pionnier auxiliaire. Tongana mo yeke na mbeni wamandango Bible so ague na li ni wala mbeni molenge so aye ti ga wafango tënë, sara tënë ni l’heure tongaso na coordinateur ti bungbi ti a-ancien. A yeke biani ye ti ngia tongana mara ti azo tongaso aga na popo ti e tongana awafango tënë na yâ ti mbeni nze so zo alingbi ti girisa ni pëpe! Atâa so mingi ti apionnier permanent ayeke mû congé na nze ti août na peko ti so ala wara ngbonga ti ala ti ngu ni so awe, peut-être ala lingbi ti leke yâ ti kapa ti ala tongaso si ala mû mbage mingi na kota kapa so. Fadeso a yeke l’heure ti tene azo ti sewa asara lisoro na popo ti ala ti tene ala nga ala sepela Jéhovah na ala “dekongo ngangu” na nze ti août so ayeke ga.—Esdras 3:11; aProv. 15:22.

3. Ye so e ye na ndo ti kapa ti so ni so ayeke nyen?

³ Atâa so e kue e bi tere ti e na yâ ti mara ti akapa ti kangbingo mbeti tongaso kozo awe, e ye ti tene kapa ti so ni so aduti tâ nde mingi. Atâa e yeke wafango tënë wala pionnier auxiliaire e lingbi ti zia na gbele e ti pusu ngbonga ti fango tënë ti e na nduzu ape? So e yeke gue ti hunzi ngu ti kusala ti ngu 2014, zia Jéhovah airi tënë nzoni na ndo ti angangu so awakua ti lo ayeke sara na yâ ti dunia kue na nze ti août so ayeke ga ti fa tënë ti témoin mingi ahon ti kozo!—Mat. 24:14.