Fa tâ nzoni ti tënë ni

aProverbe 3:21

NA NDURU TËNË: Mû maboko na azo so ayeke mä mo ti bâ so ye so mo yeke sara tënë na ndö ni so andu fini ti ala, nga fa na ala ye so a lingbi ala sara na ye so ala manda so.

LEGE TI SARANGO NI:

• Pensé na azo so ayeke mä mo. Gbu li ti mo na ndö ti ndani so azo so ayeke mä mo ayeke na bezoin ti atënë so mo yeke fa, nga bâ ye so ayeke mû ande biani maboko na ala.

• Na yâ ti devoir ti mo ni kue, fa na azo so ayeke mä mo ye so a lingbi ala sara. Gï na tongo nda ni, a lingbi zo oko oko atene: ‘Tënë so abâ mbi.’ Na ngoi so mo yeke sara tënë na ndö ti kota tënë oko oko, fa tongana nyen ti sara ye alingbi na ni. Sara tënë gï tongaso ape, me luti na ndö ti ambilimbili tënë ni.