Eskê Bible apeut ti aidé mbi ti tene sewa ti mbi aduti na ngia?
Kiringo tënë ti Bible
En. Bâ ambeni wango ti ndara so Bible amû si a-aidé akoli na awali mingi ti duti na ngia na yâ ti sewa ti ala:
Sara mariage na koli wala wali ti mo. So azo so asara mariage amû yanga ti ngbâ gï na mba na yâ ti fini ti ala kue, a yeke kota ye so alingbi ti sara si sewa ti ala aduti na ngia.—Matthieu 19:4-6.
Fa so mo ndoye mba ti mo ni nga ne lo. A ye ti tene so mo sara ye na mba ti mo ni tongana ti so mo ye si lo sara na mo.—Matthieu 7:12; aÉphésien 5:25, 33.
Kpe ti tene atënë ti mbana. Sara tënë na nzoni bê, atâa mba ti mo ni asara mbeni sioni tënë wala mbeni ye so ason bê ti mo (aÉphésien 4:31, 32). Ni la Bible atene na aProverbe 15:1 atene: “Ti kiri tënë na zo na ngangu pëpe asara si ngonzo adë, me tënë so ason bê asara si ngonzo alondo.”
Duti bê-ta-zo na mba. Fa ndoye ti mo nga sara gï nzara ti zo so mo na lo asara mariage awe (Matthieu 5:28). Bible atene: “Zia azo kue abâ mariage na nene ni mingi, na zia a sara si gbogbo ti mariage aga sioni pëpe.”—aHébreu 13:4.
Fa ye na amolengue ti mo na lege ti ndoye. Zia lege na ala ti sara gï aye kue ape me duti nga dur na ala ape.—aProverbe 29:15; aColossien 3:21.