Ndara asara si mo duti na ngia na yâ ti gigi ti mo
“Atâa so vundu asara mbi na temps so mbi yeke bâ aye ti sioni so ayeke na yâ ti dunia, aye tongana abira, yere, akobela, nga na sarango ye ti ngangu na amolenge, mbi perdre espoir lâ oko ape.”—RANI.a
Rani awara lani tâ ngia na temps so lo manda ye na ndö ti Zo so tâ ndara alondo na lo, Nzapa so ngangu ti lo ahon angangu kue. Na a-article ti peko, mo yeke bâ tongana nyen la afango ye ti Nzapa apeut ti aidé mo . . .
ti duti na ngia na yâ ti sewa
ti duti na siriri na amba ti mo
ti duti na ngia na ye so mo yeke na ni
ti hinga ndani so e yeke bâ pasi na e kui
ti duti na tâ beku ndali ti kekereke
ti gi ti hinga Nzapa nga ti ga kamarade ti lo
Mo yeke bâ nga so Wasarango e ayeke mû ndara ti lo senge senge na azo kue so ayeke gi ti wara ni.
a A changé ambeni iri na yâ ti mbeti so.