Ngu so asua kete kete aga kota ngu

Kota ngu so aga na atufa

NGOI TI GIRIRI: Na ngoi so aJuif so a gue na ala na kodro-wande akiri na kodro ti ala, ala wara atufa gbani gbani na ngoi so ala mû mbage na kiringo na tâ vorongo Nzapa na place ni na temple

NGOI TI E: Na ngu 1919, a kiri na tâ vorongo Nzapa na place ni, ye so azi lege na awakua ti Nzapa so ayeke be-ta-zo ti wara gbâ ti atufa so ade ala wara mara ni lâ oko ape na lege ti yingo

NGOI SO AYEKE GA: Na peko ti Harmaguédon, Jéhovah ayeke sara ande tufa gbani gbani na ndö ti azo na lege ti mitele nga na lege ti yingo

Ngu so amû fini

NGOI TI GIRIRI: Jéhovah asara tufa mingi na ndö ti azo ti lo so amä yanga, atâa so wungo ti ala ague na li ni, asara si ala maï na lege ti yingo

NGOI TI E: Na yâ ti paradis ti yingo so ayeke gue gï guengo na li ni, azo so wungo ti ala ayeke gue gï na li ni abâ nzoni na lege ti gbâ ti atufa so amû ndo so Jéhovah asara na ndö ti azo na lege ti yingo nga ala kiri na fini na lege ti yingo

NGOI SO AYEKE GA: Azo kutu mingi so a zingo ala na kuâ ayeke bungbi ande oko na azo so asö kuâ na Harmaguédon, na ala kue ayeke wara ande gbâ ti atufa so alondo na Jéhovah

Akeke so a yeke te lê ni nga ayeke kaï kobela

NGOI TI GIRIRI: Na lege ti yingo, Jéhovah amû kobe na azo ti lo so ayeke be-ta-zo na yâ ti kodro ti ala so a kiri na ala dä; lo kaï nga kobela so asara ala na lege ti yingo aninga

NGOI TI E: Gbâ ti akobe ti yingo ayeke mû maboko na azo ti kpe akobela so ayeke sara azo mingi na lege ti yingo nga na nzara na lege ti yingo so ayeke na yâ ti dunia so

NGOI SO AYEKE GA: Christ na amba ti lo agbia 144 000 ayeke mû ande maboko na azo kue so amä yanga ti ga mbilimbili-kue nga ti duti na nzoni seni nga na ngangu teti lakue lakue