Soro akamarade ti mo nzoni

Akota kamarade ti e apeut ti aidé e ti duti na ngia na angoi so aye ayeke nzoni, nga ala yeke kpengba e na angoi ti kpale. Me Bible agboto mê ti e so azo kue la ayeke anzoni kamarade ape. Tongaso, tongana nyen la mo peut ti soro anzoni kamarade? Bâ ahundango tënë so.

1. Nyen la akamarade so mo soro apeut ti pusu mo ti sara?

Tongana e mû ngoi mingi ti duti na ambeni zo atâa e na ala e duti vrai wala na lege ti aréseaux sociaux, e yeke sara ye nga e yeke pensé tongana ala. Tongana ti so Bible atene, “zo so atambela na azo ti ndara, lo yeke ga zo ti ndara, me zo so asara kamarade na azo ti buba [azo so aye Jéhovah ape], lo yeke wara sioni dä.” (aProverbe 13:20). Akamarade so aye Jéhovah nga avoro lo apeut ti aidé e ti ngbâ nduru na lo nga ti mû anzoni desizion. Me akota kamarade ti e so aye Jéhovah ape apeut ti gboto e yongoro na lo. Ndani la Bible awa e ti soro akamarade ti e na lege ti ndara. Tongana akamarade ti e ayeke azo so aye Nzapa, e na ala kue e yeke bâ nzoni. E yeke “ngbâ ti dë bê ti mba nga ti kpengba mba”.​—1 aThessalonicien 5:11.

2. Tongana mo soro akamarade ti mo nzoni ape, a yeke sara Jéhovah tongana nyen?

Jéhovah asoro akamarade ti lo nzoni. “Akota kamarade ti lo ayeke azo ti mbilimbili.” (aProverbe 3:32). Tongana e soro akamarade so aye Jéhovah ape, a yeke sara lo tongana nyen? Vundu ayeke sara lo mingi. (Diko Jacques 4:4.) Me tongana e ke asioni kamarade nga e ga nduru na Jéhovah nga na azo so aye lo, a yeke nzere na Jéhovah na e yeke ga akamarade ti lo.​—Psaume 15:1-4.

GI TI HINGA AYE MINGI

3. Sara hange na asioni kamarade

Azo so aye pëpe Nzapa nga na aye so ayeke nzoni na lê ti lo ayeke asioni kamarade. Zia VIDÉO ni, na pekoni kiri tënë na hunda so:

VIDÉO: Gi ti ke asioni kamarade (6:17)

• Tongana nyen la e peut ti komanse ti tambela na asioni kamarade sân ti hinga?

Diko 1 aCorinthien 15:33, na pekoni kiri tënë na ahunda so:

• Azo wa la apeut ti duti asioni kamarade ndali ti mo? Ngbanga ti nyen?

Diko Psaume 119:63, na pekoni kiri tënë na hunda so:

• Nyen la a yeke nzoni mo gi ti bâ na mbage ti mbeni kamarade?

4. Azo so ayeke nde na e apeut ti ga anzoni kamarade ti e

Bible asara tënë ti David na Jonathan, akoli use na Israël ti ândö. Ngu ti Jonathan ahon ti David mingi nga Jonathan ayeke lani molenge ti gbia, atâa so kue ala yeke lani na kpengba songo ti kamarade. Diko 1 Samuel 18:1, na pekoni kiri tënë na hunda so:

• Ngbanga ti nyen la akamarade ti e adoit gï ti duti pëpe azo so ngu ti e na ala ayeke oko wala dutingo ti e na ala ayeke oko?

Diko aRomain 1:11, 12, na pekoni kiri tënë na hunda so:

• Tongana nyen la akamarade so aye Jéhovah apeut ti kpengba mba?

Na yâ ti vidéo so, bâ tongana nyen la mbeni ita-​koli so ade maseka awara akamarade na ando so lo pensé so lo peut ti wara ala dä ape. Zia VIDÉO ni, na pekoni kiri tënë na hunda so:

VIDÉO: Wara akamarade na ando so mo pensé na ni ape (5:06)

• Na yâ ti vidéo ni, ngbanga ti nyen la babâ na mama ti Akil agi bê ti ala ngbanga ti akamarade ti lo ti ekole?

• Na tongo nda ni, nyen la anzere na lo na mbage ti akamarade ni so?

• Nyen la a-aidé lo ti duti gï lo oko ape?

5. Lege ti wara anzoni kamarade

VIDÉO: Tâ kamarade ayeke zo wa? (4:14)

Diko aProverbe 18:24 nga na 27:17, na pekoni kiri tënë na ahunda so:

• Tongana nyen la atâ kamarade ayeke mû maboko na mba?

• Eskê mo yeke na mara ti anzoni kamarade tongaso? Tongana mo yeke na ala ape, mo peut ti wara ambeni tongana nyen?

Diko aPhilippien 2:4, na pekoni kiri tënë na hunda so:

• Ti wara anzoni kamarade, mo bezoin ti duti mbeni nzoni kamarade. Mo peut ti sara ni tongana nyen?

NA NDURU TËNË

Tongana e soro akamarade ti e nzoni, a yeke nzere na Jéhovah nga e yeke bâ nzoni dä.

Dango bê

• Ngbanga ti nyen la tënë ti sorongo akamarade ti e ayeke kota ye na lê ti Jéhovah?

• Azo wa la adoit ti duti akamarade ti e ape?

• Tongana nyen la mo peut ti duti na kpengba songo ti kamarade na anzoni zo?

GI NDA TI YE

Bâ tongana nyen la anzoni kamarade apeut ti aidé e na angoi ti kpale.

“Duti na kpengba songo na aita kozo si nda ni aga” (Tour ti Ba Ndo ti novembre 2019)

Gbu li na ndö ti ye so mo peut ti sara ti wara anzoni kamarade.

“Tongana nyen la mbi peut ti soro akamarade ti mbi?” (Hunda ti amaseka: Anzoni kiringo tënë, Volume 1, chapitre 8)

Nyen la a yeke nzoni mo hinga na ndö ti sarango kamarade na azo na ndö ti Internet?

Zia si aréseaux sociaux ahanda mo ape (4:12)

Na yâ ti article “Mbi ye mingi ti wara mbeni babâ,” gi ti hinga ndani so mbeni koli akiri abâ yâ ti akamarade so lo soro.

“Bible achangé fini ti azo” (Tour ti Ba Ndo ti lango 1 ti avril 2012)