Dango bê ti Ekole ti Kusala ti aChrétien
Fade a yeke sara lisoro na ndo ti ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 25 ti juin 2012. A zia alango na tere ti ambage oko oko so ayeke sara lisoro na ndo ni tongaso si ala lingbi ti sara recherche na ndo ni na ngoi so ala yeke leke tere ti ala yenga oko oko ndali ti ekole.
1. So Jérémie asö kuâ na ngoi so warango kobe ayeke ngangu, ye so adë bê ti e tongana nyen? (Jér. 37:21) [7 mai, w97-F 15/9 l. 3 par. 4–l. 4 par. 1]
2. A-Chrétien so ayeke na beku ti fini ti lakue lakue na ndo ti sese amû nzoni tapande ti Ebed-Mélec tongana nyen? (Jér. 38:8-13) [7 mai, su l. 179 par. 9]
3. Teti so Jéhovah atokua agarde ti Nebucadnetsar ti bata Jérémie na Baruc, a yeke na lege ni laso ti tene aChrétien agi ti tene aturugu ti lapolice abata ala? (Jér. 39:11-14) [14 mai, w83-F 15/10 l. 31]
4. “Kota ye” wa Baruc agi teti lo wani? na sarango ye ti lo na peko ti wango so Jéhovah amû na lo amû maboko na e ti zia lê ti e gi na ndo ti nyen? (Jér. 45:5) [21 mai, w06 15/8 l. 18 par. 1; l. 19 par. 6]
5. A haka futingo ti Edom na gango ti azo ti gbu ye na bï nga na gango ti azo ti fango lê ti kobe. Nda ni ayeke nyen? (Jér. 49:9, 10) [28 mai, w07 1/11 l. 8]
6. Nyen la e lingbi ti manda na ndo ti ye so asi na Gbia Sédécias na peko ti so lo ‘londo ti ke gbia ti Babylone’? (Jér. 52:3-11) [4 juin, w88-F 15/9 l. 17 par. 8; w81-F 1/7 l. 13 par. 3-4; l. 14 par. 6]
7. “Mbata ti gere” ti Jéhovah nga na “kpangba” ti lo ayeke nyen? (Toto ti Jér. 2:1, 6) [11 juin, w07 1/6 l. 9 par. 1].
8. Na lege wa e lingbi ti gbu ngangu même na yâ ti ye so amû vundu mingi? (Toto ti Jér. 3:21-26; 28-33) [18 juin, w07 1/6 l. 11 par. 3]
9. Ngbanga ti nyen ayeke nzoni ti tene mbeni zo abâ pasi na ngoi so lo de maseka? (Toto ti Jér. 3:27) [18 juin, w07 1/6 l. 11 par. 4; w87-F 15/2 l. 24 par. 1]
10. Tongana nyen tapande ti Ézéchiel alingbi ti mû maboko na e ti fa tënë na mbeto pëpe atâa so ambeni zo ayeke sara sanka ti tënë ti e? (Ézéch. 3:8, 9) [25 juin, w08 1/7 l. 16 par. 6-7]