၇ “တဲတော်အမိုးကို ဆိတ်မွေးရွက်ထည်+ ၁၁ ထည်နဲ့ လုပ်ရမယ်။+ ၈ ရွက်ထည်တစ်ထည်စီက အလျား အတောင် ၃၀၊ အနံ ၄ တောင်ရှိရမယ်။ ရွက်ထည် ၁၁ ထည်စလုံး အတိုင်းအတာ တူရမယ်။ ၉ ရွက်ထည်ငါးထည်ကို တစ်စပ်တည်း ဖြစ်အောင်၊ နောက်ခြောက်ထည်ကိုလည်း တစ်စပ်တည်း ဖြစ်အောင် တွဲချုပ်ရမယ်။ ခြောက်ခုမြောက် ရွက်ထည်ကို တဲတော်မျက်နှာစာမှာ ခေါက်တင်ထားရမယ်။ ၁၀ တွဲချုပ်ထားတဲ့ ရွက်ထည်တစ်ထည်ရဲ့ အနားစွန်းမှာ ကွင်း ၅၀ တပ်ရမယ်။ နောက်ရွက်ထည်ရဲ့ အနားစွန်း၊ ရွက်ထည်နှစ်ထည် ဆက်မယ့်နေရာမှာလည်း ကွင်း ၅၀ တပ်ရမယ်။ ၁၁ ကြေးနီချိတ် ၅၀ ကိုလုပ်၊ ကွင်းတွေကို ချိတ်တွေနဲ့ချိတ်ပြီး ရွက်ထည်နှစ်ထည်ကို တစ်စပ်တည်းဖြစ်အောင် တွဲရမယ်။