၁၄ အဲဒီနောက် အပြစ်ဖြေရာအလှူဖြစ်တဲ့ နွားထီးကို ယူလာပြီး အာရုန်နဲ့သားတွေက နွားထီးရဲ့ခေါင်းပေါ် လက်တင်ကြတယ်။+ ၁၅ မောရှေက နွားထီးကိုသတ်၊  လက်ညှိုးနဲ့  သွေးနည်းနည်းကိုယူ၊+  ပူဇော်ရာပလ္လင်ရဲ့ ဦးချိုအတက်အားလုံးမှာ သုတ်ပြီး ပူဇော်ရာပလ္လင်ကို  အပြစ်စင်ကြယ်စေတယ်။ ကျန်တဲ့သွေးကိုတော့ ပူဇော်ရာပလ္လင်ခြေရင်းမှာ သွန်ချလိုက်တယ်။ ပူဇော်ရာပလ္လင်ပေါ်မှာ  အပြစ်ဖြေနိုင်ဖို့ ဒီနည်းနဲ့ ပူဇော်ရာပလ္လင်ကို  ဆက်ကပ်လိုက်တယ်။ ၁၆ နွားထီးရဲ့  ဝမ်းတွင်းအဆီလွှာ၊  အသည်းပေါ်ကအဆီလွှာ၊  ကျောက်ကပ်နှစ်ခုနဲ့ ကျောက်ကပ်ပေါ်က အဆီတွေကိုယူပြီး ပူဇော်ရာပလ္လင်ပေါ်မှာ  မီးရှို့ပူဇော်တယ်။+ ၁၇ ကျန်တဲ့အပိုင်းတွေ၊  အရေခွံ၊ အသား၊  မစင်တွေကိုတော့  စခန်းအပြင်ဘက်မှာ မီးရှို့တယ်။+ မောရှေက ယေဟောဝါ  မိန့်မှာတဲ့အတိုင်း  လုပ်ဆောင်တယ်။