၃၄ ယေဟောဝါက မောရှေကို ဆက်မိန့်မှာတယ်– “အမွှေးနံ့သာတွေဖြစ်တဲ့ သစ်စေးမွှေး၊ ခရုခွံမွှေး၊ ဂါဗနမ်သစ်စေးမွှေး၊ လောဗန်* စစ်စစ်ကို အချိုးကျယူပါ။+ ၃၅ အဲဒီအမွှေးနံ့သာတွေကို သမအောင်ရောစပ်၊ ဆားခတ်ပြီး+ သန့်ရှင်းတဲ့ နံ့သာပေါင်းစစ်စစ်ကို+ ဖော်စပ်ရမယ်။ ၃၆ အဲဒီအမွှေးနံ့သာတချို့ကို ညက်ညက်ထောင်းပြီး မင်းကို ငါတွေ့ဆုံမယ့် တွေ့ဆုံရာတဲတော်ထဲက သက်သေခံချက်သေတ္တာရှေ့မှာ ထားရမယ်။ အဲဒီနံ့သာပေါင်းဟာ မင်းတို့အတွက် အသန့်ရှင်းဆုံးဖြစ်ရမယ်။

၈ စာလိပ်ကို ယူလိုက်တဲ့အခါ သတ္တဝါလေးပါးနဲ့ အကြီးအကဲ ၂၄ ယောက်တို့က+ နံ့သာပေါင်းအပြည့်ပါတဲ့ ရွှေဖလားနဲ့ စောင်းကို ကိုယ်စီကိုင်ရင်း သိုးသငယ်ရှေ့မှာ ဦးချပျပ်ဝပ်ကြတယ်။ (နံ့သာပေါင်းဟာ သန့်ရှင်းသူတွေရဲ့ ဆုတောင်းချက်တွေကို ဆိုလိုတယ်။)+

၃ ကောင်းကင်တမန် နောက်တစ်ပါး ရောက်လာပြီး နံ့သာပေါင်းပလ္လင်နားမှာ+ ရပ်နေတယ်။ သူက နံ့သာပေါင်းပူဇော်ဖို့ ရွှေလင်ပန်းကို ကိုင်ထားတယ်။ သန့်ရှင်းသူတွေ ဆုတောင်းတာကို ဘုရားနားထောင်နေချိန်မှာ  ရာဇပလ္လင်ရှေ့က ရွှေနံ့သာပေါင်းပလ္လင်ပေါ်မှာ+ ပူဇော်ဖို့ နံ့သာပေါင်းအများကြီးကို+ သူရထားတယ်။ ၄ နံ့သာပေါင်းငွေ့တွေဟာ သန့်ရှင်းသူတို့ရဲ့ ဆုတောင်းချက်တွေနဲ့အတူ+ ကောင်းကင်တမန် လက်ထဲကနေ ဘုရားသခင့် ရှေ့တော်ကို တက်သွားတယ်။ ၅ ဒါပေမဲ့ ကောင်းကင်တမန်က ချက်ချင်းပဲ နံ့သာပေါင်းပလ္လင်ပေါ်က မီးကို လင်ပန်းထဲထည့်ပြီး ကမ္ဘာမြေပေါ် ပစ်ချလိုက်တယ်။ အဲဒီအခါ မိုးခြိမ်းသံတွေ၊ စကားသံတွေ ပေါ်ထွက်လာတယ်။ လျှပ်စီးတွေလက်ပြီး+ မြေငလျင်လှုပ်တယ်။