-
တရားဟောရာ ၃၀:၁-၃သမ္မာကျမ်းစာ ကမ္ဘာသစ်ဘာသာပြန်ကျမ်း
-
-
၃၀ “ကျွန်တော်ပြောနေတဲ့ ဒီကောင်းချီးတွေ၊ ဒီကျိန်စာတွေအတိုင်း ခင်ဗျားတို့ ကြုံရတဲ့အခါ+ ယေဟောဝါဘုရား နှင်ထုတ်လိုက်လို့ တကွဲတပြား ရောက်သွားမယ့် လူမျိုးတွေအလယ်မှာ+ ဒီစကားတွေကို ပြန်သတိရမယ်၊+ ၂ ခင်ဗျားတို့နဲ့ သားမြေးတွေကို အခု ကျွန်တော် မှာကြားနေတဲ့အတိုင်း ယေဟောဝါဘုရားဆီ ပြန်လှည့်လာပြီး+ ဘုရားရဲ့စကားကို စိတ်စွမ်းရှိသမျှ၊ ကိုယ်စွမ်းရှိသမျှ နားထောင်မယ်ဆိုရင်၊+ ၃ ယေဟောဝါဘုရားက ခင်ဗျားတို့ကို သုံ့ပန်းဘဝကနေ ပြန်ခေါ်လာပြီး+ ကရုဏာပြမယ်။+ ယေဟောဝါဘုရား နှင်ထုတ်လိုက်လို့ တကွဲတပြား ရောက်သွားမယ့် လူမျိုးတွေဆီကနေ ပြန်စုစည်းမယ်။+
-
-
တရားဟောရာ ၃၀:၈-၁၀သမ္မာကျမ်းစာ ကမ္ဘာသစ်ဘာသာပြန်ကျမ်း
-
-
၈ “ခင်ဗျားတို့လည်း ပြန်လှည့်လာပြီး ယေဟောဝါရဲ့ စကားကို နားထောင်ကြလိမ့်မယ်၊ အခု ကျွန်တော်မှာကြားနေတဲ့ ပညတ်ချက်အားလုံးကို လိုက်နာကြလိမ့်မယ်။ ၉ ယေဟောဝါဘုရားက ခင်ဗျားတို့ လုပ်ဆောင်သမျှမှာ အောင်မြင်ကြီးပွားစေမယ်။+ သားသမီးတွေ၊ တိရစ္ဆာန်တွေ၊ မြေထွက်သီးနှံတွေကို များပြားစေမယ်။ ယေဟောဝါက ဘိုးဘေးတွေ ကောင်းစားအောင် လုပ်ပေးရတာကို နှစ်သက်ခဲ့သလို ခင်ဗျားတို့ ကောင်းစားအောင် လုပ်ပေးရတာကိုလည်း နှစ်သက်လိမ့်မယ်။+ ၁၀ အဲဒီအခါ ခင်ဗျားတို့လည်း ယေဟောဝါဘုရားရဲ့ စကားကို နားထောင်ပြီး ဒီပညတ်ကျမ်းမှာ ရေးထားတဲ့ ပညတ်ချက်တွေ၊ ဥပဒေတွေကို လိုက်နာလိမ့်မယ်။ ယေဟောဝါဘုရားဆီ စိတ်စွမ်းရှိသမျှ၊ ကိုယ်စွမ်းရှိသမျှ ပြန်လာကြလိမ့်မယ်။+
-
-
၁ ဘုရင်များ ၈:၄၈၊ ၄၉သမ္မာကျမ်းစာ ကမ္ဘာသစ်ဘာသာပြန်ကျမ်း
-
-
၄၈ ရန်သူ့တိုင်းပြည်မှာ သုံ့ပန်းဘဝရောက်နေတုန်း ကိုယ်တော့်ဆီ စိတ်စွမ်းရှိသမျှ၊+ ကိုယ်စွမ်းရှိသမျှ ပြန်လှည့်လာမယ်ဆိုရင်၊ ဘိုးဘေးတွေကိုပေးတဲ့ ပြည်ဘက်၊ ကိုယ်တော်ရွေးချယ်တဲ့မြို့ဘက်၊ နာမတော်အတွက် ကျွန်တော်ဆောက်တဲ့ အိမ်တော်ဘက် မျက်နှာမူပြီး ဆုတောင်းမယ်ဆိုရင်၊+ ၄၉ သူတို့ဆုတောင်းတာ၊ မျက်နှာသာရဖို့ အသနားခံတာကို စံမြန်းရာ ကောင်းကင်ကနေ+ နားထောင်ပြီး သူတို့အတွက် တရားသဖြင့် လုပ်ဆောင်ပေးပါ။
-