၁၂ အခု၊ ကျွန်မက ရှင်တို့ကို ခိုင်မြဲတဲ့မေတ္တာပြတဲ့အတွက် ရှင်တို့လည်း ကျွန်မအဖေရဲ့ အိမ်သူအိမ်သားတွေကို ခိုင်မြဲတဲ့မေတ္တာ ပြပါ့မယ်လို့ ယေဟောဝါဘုရားကို တိုင်တည်ပြီး သစ္စာဆိုပါ။ ယုံကြည်စိတ်ချနိုင်တဲ့ အထောက်အထားတစ်ခုခု ပေးခဲ့ပါ။ ၁၃ ကျွန်မရဲ့မိဘ၊ မောင်နှမနဲ့ သက်ဆိုင်သူအားလုံးကို အသက်ချမ်းသာပေးပြီး သေဘေးကနေ ကယ်တင်ပါ”+ လို့တောင်းဆိုတယ်။

၁၇ သူလျှိုတွေက “ခင်ဗျား သစ္စာဆိုခိုင်းထားတာနဲ့ပတ်သက်ပြီး ကျုပ်တို့ အပြစ်ကင်းစေရမယ်။+ ၁၈ ကျုပ်တို့ ဒီပြည်ထဲ ပြန်ဝင်လာတဲ့အခါ ကျုပ်တို့ကို လျှောချလိုက်တဲ့ ပြတင်းပေါက်မှာ ဒီကြက်သွေးရောင်ကြိုးကို ချည်ထားပါ။ မချည်ထားရင်တော့ ကျုပ်တို့အပြစ် မဟုတ်ဘူး။ မိဘ၊ မောင်နှမ၊ အိမ်သူအိမ်သားအားလုံးကို ဒီအိမ်ထဲမှာ ခေါ်ထားပါ။+ ၁၉ တစ်ယောက်ယောက် အိမ်ပြင်ထွက်သွားမယ်ဆိုရင် သူ့အပြစ်နဲ့သူ သေလိမ့်မယ်။* ကျုပ်တို့ကတော့ အပြစ်ကင်းတယ်။ ခင်ဗျားရဲ့အိမ်ထဲမှာ ရှိနေလျက်နဲ့ ထိခိုက်သွားတယ်ဆိုရင်တော့ သူသေတာဟာ ကျုပ်တို့အပြစ်ပဲ။