၁၅ အချုပ်အခြာအာဏာပိုင်ရှင်၊ ဗိုလ်ခြေတို့ရဲ့အရှင် ယေဟောဝါ ပြောတာက “နန်းတော်အုပ် ဘဏ္ဍာထိန်း ရှေဗနဆီ  သွားပြီး၊+ ၁၆ ‘မင်းအတွက် သင်္ချိုင်းဂူကို ဒီမှာထွင်းရအောင် ဒီနေရာဟာ မင်းနဲ့ဘာဆိုင်လို့လဲ။ ဒီနေရာမှာ မင်းနဲ့အမျိုးတော်တဲ့သူ ဘယ်သူရှိလို့လဲ’ ဆိုပြီး ပြောလိုက်ပါ။ မြင့်တဲ့နေရာမှာ သူ့အတွက် သင်္ချိုင်းဂူကို ထွင်းနေတယ်။ ကျောက်ဆောင်ထဲမှာ သူနားခိုမယ့်နေရာကို ထွင်းနေတယ်။ ၁၇ ‘ဟေ့ လူ၊ ယေဟောဝါက မင်းကို အားနဲ့ကိုင်ဖမ်းပြီး အရှိန်နဲ့ ပစ်ပေါက်မယ်။ ၁၈ ဘုရားက မင်းကို တင်းတင်းကျပ်ကျပ် ပတ်ရစ်ပြီး ကျယ်ပြောတဲ့ပြည်ထဲ ဘောလုံးလို ပစ်ပေါက်မယ်။ အဲဒီမှာ မင်း သေရလိမ့်မယ်၊ ဂုဏ်ကျက်သရေရှိတဲ့ မင်းရဲ့မြင်းရထားတွေက မင်းသခင်ရဲ့အမျိုးကို အရှက်ခွဲမယ်။ ၁၉ မင်းကို ရာထူးဖြုတ်မယ်။ မင်းရဲ့တာဝန်ကို ရုပ်သိမ်းမယ်။