၁၆ မနာရှေမင်းက  ယုဒအမျိုးကို ယေဟောဝါရှေ့မှာ မကောင်းတာလုပ်ပြီး  အပြစ်ကျူးလွန်စေတယ်။  ဒါ့အပြင်  အပြစ်မဲ့သူတွေကို  သတ်ပြီး ဂျေရုဆလင်တစ်မြို့လုံးမှာ သွေးချောင်းစီးစေတယ်။+

၂၆ ဒါပေမဲ့ ယေဟောဝါက မိမိကို စိတ်ဆိုးအောင်လုပ်ခဲ့တဲ့ မနာရှေရဲ့ လုပ်ရပ်တွေကြောင့် ယုဒပြည်ကို အမျက်ထွက်နေတုန်းပဲ။+

၁၁ ဒါကြောင့် ယေဟောဝါက အဆီးရီးယားဘုရင်ရဲ့ တပ်မှူးတွေ လွှတ်ပြီး တိုက်ခိုက်စေတယ်။ မနာရှေကို ချိတ်တွေနဲ့ ဖမ်း၊* ကြေးနီခြေကျဉ်းတွေ ခတ်ပြီး ဗာဗုလုန်မြို့ဆီ ခေါ်သွားကြတယ်။ ၁၂ မနာရှေက ဒုက္ခရောက်နေချိန်မှာ ယေဟောဝါဘုရားရဲ့ မျက်နှာသာရဖို့ အသနားခံပြီး ဘိုးဘေးတို့ရဲ့  ဘုရားသခင်ရှေ့မှာ  အကြီးအကျယ်  စိတ်နှိမ့်ချလိုက်တယ်။ ၁၃ ဘုရားသခင်ဆီ သူ အမြဲဆုတောင်းတယ်။ ဘုရားသခင်က သူအသနားခံတဲ့အခါ ကရုဏာသက်သွားတယ်၊ မျက်နှာသာရဖို့ တောင်းပန်တာကို နားထောင်ပြီး ဂျေရုဆလင်မြို့မှာ ပြန်နန်းထိုင်စေတယ်။+ အဲဒီအခါ ယေဟောဝါဟာ စစ်မှန်တဲ့ဘုရားပဲဆိုတာ မနာရှေ သိသွားတယ်။+