၁၆ ရှောလမုန်မင်းကြီးက ဒိုင်းလွှားကြီး ၂၀၀ ကို သတ္တုစပ်ထားတဲ့ ရွှေနဲ့ လုပ်တယ်။+ (ဒိုင်းလွှားတစ်ခုစီဟာ ရွှေအချိန် ရှယ်ကယ်* ၆၀၀ ရှိတယ်။)+ ၁၇ ဒိုင်းငယ် ၃၀၀ ကိုလည်း သတ္တုစပ်ထားတဲ့ ရွှေနဲ့ လုပ်တယ်။ (ဒိုင်းငယ်တစ်ခုစီဟာ ရွှေအချိန် သုံးမိုင်နာ* ရှိတယ်။) အဲဒါတွေကို လက်ဘနွန်စံအိမ်မှာ+ ထားလိုက်တယ်။

၂၅ ရောဗောင်မင်းနန်းစံ  ငါးနှစ်မြောက်မှာ အီဂျစ်ဘုရင် ရှိရှက်က+ ဂျေရုဆလင်မြို့ကို ချီတက်တိုက်ခိုက်တယ်။+ ၂၆ သူက ယေဟောဝါရဲ့ အိမ်တော်ဘဏ္ဍာတွေ၊  နန်းတော်ဘဏ္ဍာတွေ၊ ရှောလမုန်လုပ်ခဲ့တဲ့ ရွှေဒိုင်းလွှားတွေ အပါအဝင် ရှိသမျှကို သိမ်းယူသွားတယ်။+ ၂၇ ဒါကြောင့် ရောဗောင်မင်းက ရွှေဒိုင်းလွှားအစား ကြေးနီဒိုင်းလွှားတွေ  လုပ်ပြီး  နန်းတော်တံခါးစောင့်တွေကို* ကြီးကြပ်တဲ့သူတွေဆီ အပ်လိုက်တယ်။ ၂၈ ယေဟောဝါရဲ့ အိမ်တော်ကို ရောဗောင်မင်းလာတဲ့အခါတိုင်း တံခါးစောင့်တွေက အဲဒီဒိုင်းလွှားတွေကို ကိုင်ဆောင်ထားကြတယ်။ ပြီးရင် အဲဒါတွေကို တံခါးစောင့်အခန်းမှာ ပြန်ထားတယ်။