၉ ဒါနဲ့  အစ္စရေးဘုရင်က  နန်းတွင်းအရာရှိ တစ်ယောက်ကိုခေါ်ပြီး “အိမလရဲ့သား မိက္ခာယကို ချက်ချင်းခေါ်ခဲ့”+  လို့  အမိန့်ပေးလိုက်တယ်။ ၁၀ ရှမာရိမြို့ တံခါးဝနားက ကောက်နယ်တလင်းမှာ  အစ္စရေးဘုရင်နဲ့  ယုဒဘုရင် ယောရှဖတ်က မင်းဝတ်တန်ဆာတွေ ဆင်မြန်းပြီး ရာဇပလ္လင်ကိုယ်စီနဲ့ ထိုင်နေတယ်။ ပရောဖက်တွေကတော့ သူတို့ရှေ့မှာ ပရောဖက်ပြုနေတယ်။+ ၁၁ ခေနာနာရဲ့သား ဇေဒကိက သံဦးချိုတွေလုပ်ပြီး  “ယေဟောဝါဘုရား ပြောတာက ‘မင်းက ဒီဦးချိုတွေနဲ့ ခွေ့ပြီး ဆီးရီးယားတွေကို အစတုံးဖျက်ဆီးလိမ့်မယ်’” လို့ အာဟပ်မင်းကို ပြောတယ်။ ၁၂ သူဟောတဲ့အတိုင်းပဲ တခြားပရောဖက်အားလုံးကလည်း “ရာမုတ်ဂိလဒ်မြို့ကို သွားတိုက်ခိုက်ပါ၊ မင်းကြီး အောင်ပွဲဆင်လိမ့်မယ်။ ယေဟောဝါဘုရားက အဲဒီမြို့ကို မင်းကြီးလက်ထဲ အပ်လိမ့်မယ်” လို့ ပြောကြတယ်။