၁၉ မိက္ခာယက  “ယေဟောဝါဘုရား ပြောတာကို နားထောင်ပါ။ ရာဇပလ္လင်ပေါ်မှာ ယေဟောဝါ စံမြန်းနေတာ၊+ လက်ယာဘက်၊ လက်ဝဲဘက်မှာ ကောင်းကင်ဗိုလ်ခြေတွေ ရပ်ပြီး ခစားနေကြတာကို ကျွန်တော်မြင်တယ်။+ ၂၀ ယေဟောဝါက  ‘အာဟပ်ကို ရာမုတ်ဂိလဒ်မြို့ဆီ ချီတက်အောင်၊ သူကျဆုံးသွားအောင် ဘယ်သူလှည့်စားမလဲ’ လို့မေးတော့ တစ်ပါးက တစ်မျိုးပြောတယ်။ နောက်တစ်ပါးကလည်း တစ်မျိုးပြောတယ်။ ၂၁ အဲဒီနောက် ကောင်းကင်တမန်*+ တစ်ပါး ရှေ့ထွက်လာပြီး ယေဟောဝါရှေ့မှာခစားတယ်။  ပြီးတော့  ‘ကျွန်တော်လှည့်စားမယ်’ တဲ့။ ယေဟောဝါက ‘ဘယ်လို လှည့်စားမှာလဲ’ လို့မေးတော့၊ ၂၂ သူက ‘ကျွန်တော်သွားပြီး သူ့ပရောဖက်တွေ လိမ်လည်ဟောပြောအောင် လုပ်ပါ့မယ်’+ လို့ဖြေတယ်။ ဘုရားသခင်က ‘သူ့ကို မင်းလှည့်စားနိုင်လိမ့်မယ်။ အောင်လည်း အောင်မြင်လိမ့်မယ်။ သွားပြီး အဲဒီအတိုင်းလုပ်ပါ’  လို့ပြောတယ်။ ၂၃ ဒါကြောင့် မင်းကြီးရဲ့ပရောဖက်အားလုံး လိမ်လည်ဟောပြောအောင်လုပ်ဖို့ ကောင်းကင်တမန်ကို ယေဟောဝါ ခွင့်ပြုလိုက်တာပါ။+ ဒါပေမဲ့ မင်းကြီး ဘေးဆိုးကြုံရမယ်လို့ ယေဟောဝါ အမိန့်ချပြီးသားပါပဲ”+ လို့ပြန်လျှောက်တင်တယ်။