၁၀ အာဟပ်အမျိုးနဲ့ပတ်သက်ပြီး ယေဟောဝါဘုရား ပြောခဲ့တဲ့ ယေဟောဝါရဲ့စကား တစ်ခွန်းမကျန် ပြည့်စုံလာတယ်ဆိုတာ+ သိထားကြပါ။ ယေဟောဝါက မိမိရဲ့ကျွန် ဧလိယကတစ်ဆင့် ပြောခဲ့တဲ့အတိုင်း လုပ်ဆောင်ခဲ့ပြီ”+ လို့ပြောတယ်။ ၁၁ ယေဟုက ယေဇရေလမြို့မှာ ကျန်နေသေးတဲ့ အာဟပ်ရဲ့အမျိုးတွေ၊ အာဟပ်နဲ့ပတ်သက်တဲ့ မြို့မိမြို့ဖတွေ၊ အသိအကျွမ်းတွေ၊ ပုရောဟိတ်တွေကိုလည်း+ တစ်ယောက်မကျန် ကွပ်မျက်တယ်။+

၁၂ အဲဒီနောက် ယေဟုက ရှမာရိမြို့ကို  ထွက်သွားတယ်။  လမ်းမှာ သိုးထိန်းတွေရဲ့  သိုးမွေးညှပ်ရုံ ရှိတယ်။ ၁၃ အဲဒီမှာ  ယုဒဘုရင်အာခဇိရဲ့+ ဆွေမျိုးတွေနဲ့တွေ့တော့ ယေဟုက “ခင်ဗျားတို့  ဘယ်သူတွေလဲ” လို့မေးတယ်။ “ကျွန်တော်တို့ဟာ အာခဇိမင်းရဲ့ ဆွေတော်မျိုးတော်တွေပါ။ ဘုရင့်သားတော်တွေ၊ မယ်တော်ရဲ့သားမြေးတွေ ကျန်းမာရဲ့လားဆိုတာ  သွားမေးမလို့ ဆင်းလာတာ”  ဆိုပြီးဖြေကြတယ်။ ၁၄ ယေဟုက ချက်ချင်းပဲ “အရှင်ဖမ်းကြ” လို့ အမိန့်ပေးတဲ့အတွက် ၄၂ ယောက်စလုံးကို ဖမ်းပြီး သိုးမွေးညှပ်ရုံနားက ရေတွင်းဘေးမှာ တစ်ယောက်မကျန် ကွပ်မျက်လိုက်တယ်။+