၅ ဒါကြောင့် ယေဟောဝါဘုရားက အာခတ်မင်းကို ဆီးရီးယားဘုရင်လက်ထဲ အပ်လိုက်တယ်။+ ဆီးရီးယားတွေ အနိုင်ရပြီး သုံ့ပန်းအမြောက်အမြားကို ဒမတ်စကတ်မြို့ဆီ ဖမ်းခေါ်သွားတယ်။+ အစ္စရေးဘုရင်လက်ထဲကိုလည်း အပ်တဲ့အတွက် အဲဒီဘုရင်က အာခတ်နဲ့ သူ့လူတွေကို အကြီးအကျယ် ချေမှုန်းတယ်။ ၆ ရေမလိရဲ့သား ပေကာက+ ယုဒပြည်မှာ သတ္တိရှိတဲ့စစ်သည် ၁၂၀,၀၀၀ ကို တစ်နေ့တည်းမှာ ကွပ်မျက်လိုက်တယ်။ သူတို့က ဘိုးဘေးတို့ရဲ့ဘုရား ယေဟောဝါကို စွန့်သွားကြလို့ပဲ။+ ၇ ဧဖရိမ်သူရဲကောင်း ဇိခရိက ဘုရင့်သားတော် မာသေယ၊ နန်းတော်အုပ် အာဇရိကံ၊ ဘုရင်ပြီးရင် ရာထူးအကြီးဆုံးဖြစ်တဲ့ ဧလကာနတို့ကို ကွပ်မျက်လိုက်တယ်။ ၈ အစ္စရေးတွေက ညီအစ်ကိုတော်တဲ့ ယုဒလူတွေနဲ့ သူတို့ရဲ့သားမယားတွေ စုစုပေါင်း ၂၀၀,၀၀၀ ကို ဖမ်းခေါ်သွားတယ်။ တိုက်ရာပါဥစ္စာ အများကြီးကိုလည်း သိမ်းယူပြီး ရှမာရိမြို့ကို သယ်သွားတယ်။+