၂၅ သူတို့ နေထိုင်ခါစတုန်းက ယေဟောဝါကို ကြောက်ရွံ့ရိုသေမှု မရှိကြဘူး။ ဒါကြောင့် ယေဟောဝါက  ခြင်္သေ့တွေ  လွှတ်လိုက်တဲ့အတွက်+ လူတချို့ ကိုက်သတ်ခံရတယ်။ ၂၆ အဲဒီအခါ “အရှင်မင်းကြီး ဖမ်းခေါ်လာပြီး ရှမာရိမြို့တွေမှာ နေရာချပေးတဲ့  လူမျိုးတွေဟာ အဲဒီပြည်ကို စောင့်ရှောက်တဲ့ ဘုရားသခင်ရဲ့ ဘာသာဓလေ့တွေကို မသိကြပါဘူး။ အဲဒီပြည်ကို စောင့်ရှောက်တဲ့ ဘုရားသခင်ရဲ့ ဘာသာဓလေ့ကို တစ်ယောက်မှ မသိကြတဲ့အတွက် အဲဒီဘုရားက ခြင်္သေ့တွေ လွှတ်လိုက်လို့ သူတို့ ကိုက်သတ်ခံနေရပြီ” ဆိုတဲ့သတင်း အဆီးရီးယားဘုရင်ဆီ ရောက်လာတယ်။