၁၄ ဒါနဲ့ ယေဟောဝါက “အဲဒီပရောဖက်တွေ ငါ့နာမည်သုံးပြီး မဟုတ်မမှန်တာတွေ ဟောနေတယ်။+ သူတို့ကို ငါစေလွှတ်တာ မဟုတ်ဘူး။ အဲဒီလို ငါမမိန့်မှာခဲ့သလို ပြောလည်း မပြောခဲ့ဘူး။+ မမှန်တဲ့စိတ်အာရုံတွေ၊ အသုံးမဝင်တဲ့ နတ်ဆိုးပညာတွေ၊ စိတ်ရဲ့လှည့်စားမှုတွေအတိုင်း ပရောဖက်ပြုနေကြတာ။+

၁၅ ဒါနဲ့ ပရောဖက်ယေရမိက “ဟာနနိ၊+ နားထောင်ပါဦး။ ယေဟောဝါဘုရား မစေလွှတ်ဘဲနဲ့ ခင်ဗျားက လိမ်ညာပြောပြီး ဒီလူတွေကို အယုံသွင်းနေတယ်။+ ၁၆ ဒါကြောင့် ‘မြေပေါ်ကနေ မင်းကို ဖယ်ရှားမယ်။ မင်းက ငါယေဟောဝါကို ပုန်ကန်အောင် အားပေးအားမြှောက် လုပ်တဲ့အတွက် ဒီနှစ်အတွင်းမှာ သေရလိမ့်မယ်’ လို့ ယေဟောဝါ ပြောတယ်။”+

၈ “‘ဒါကြောင့် အချုပ်အခြာအာဏာပိုင်ရှင် ယေဟောဝါ ပြောတာက– “‘မင်းတို့ မဟုတ်မမှန်တာတွေ ပြောတဲ့အတွက်၊ မင်းတို့ရဲ့ စိတ်အာရုံတွေဟာ အလိမ်အညာတွေဖြစ်တဲ့အတွက် မင်းတို့ကို ငါတိုက်ခိုက်မယ်။’ ဒါဟာ အချုပ်အခြာအာဏာပိုင်ရှင် ယေဟောဝါ ပြောတဲ့စကားပဲ။”+ ၉ မဟုတ်မမှန်တဲ့ စိတ်အာရုံတွေ မြင်ပြီး အလိမ်အညာတွေ ဟောတဲ့ ပရောဖက်တွေကို ငါ့လက်ရုံးနဲ့ တိုက်ခိုက်မယ်။+ သူတို့ဟာ ငါယုံရတဲ့သူတွေထဲမှာ မပါဘူး။ အစ္စရေးအမျိုးရဲ့စာရင်းထဲမှာ ရေးမှတ်ခံရမှာ မဟုတ်ဘူး။ အစ္စရေးပြည်ကို ပြန်လာရမှာ မဟုတ်ဘူး။ ငါဟာ အချုပ်အခြာအာဏာပိုင်ရှင် ယေဟောဝါပဲဆိုတာ သိရလိမ့်မယ်။+