၁၅ ဘိုးဘေးတို့ရဲ့ဘုရား ယေဟောဝါဟာ မိမိနေထိုင်ရာအရပ်နဲ့ လူမျိုးတော်ကို သနားညှာတာတဲ့အတွက် တမန်တွေလွှတ်ပြီး သူတို့ကို အမြဲသတိပေးတယ်။ ထပ်တလဲလဲ သတိပေးတယ်။ ၁၆ ဒါပေမဲ့ သူတို့က စစ်မှန်တဲ့ဘုရားသခင် စေလွှတ်တဲ့ တမန်တွေကို လှောင်ပြောင်တယ်။+ ကိုယ်တော့်စကားကို မထီလေးစားလုပ်ပြီး+ ပရောဖက်တွေကို ကဲ့ရဲ့တယ်။+ နောက်ဆုံး သူတို့ကို ယေဟောဝါ အကြီးအကျယ် အမျက်ထွက်ရတဲ့အထိ၊+ သူတို့ နာလန်မထူနိုင်တော့တဲ့အထိ ဖြစ်သွားတယ်။

၇ ငါက မင်းတို့ရဲ့ဘိုးဘေးတွေကို အီဂျစ်ပြည်ကနေ ခေါ်ထုတ်လာတဲ့နေ့ကစပြီး ဒီနေ့အထိ အလေးအနက် တိုက်တွန်းခဲ့တယ်။ “ငါ့စကားကို နာခံကြ” ဆိုပြီး အကြိမ်ကြိမ် ပြောခဲ့တယ်။+ ၈ ဒါပေမဲ့ သူတို့ နားမထောင်ဘူး။ နားမစွင့်ဘူး။ အဲဒီအစား ဆိုးညစ်တဲ့ စိတ်အလိုနောက်ကို ခေါင်းမာမာနဲ့ လိုက်မြဲလိုက်နေတယ်။+ ဒါကြောင့် ငါမိန့်မှာခဲ့ပေမဲ့ သူတို့မလိုက်နာတဲ့ ဒီပဋိညာဉ်ထဲက ကျိန်စာအားလုံးကို သူတို့အပေါ် ငါကျရောက်စေခဲ့တယ်။’”