၂၈ ယေရှုကို မြင်တဲ့အခါ ရှေ့မှာ လာဒူးထောက်ပြီး  “အမြင့်ဆုံးဘုရားသခင်ရဲ့သား ယေရှု၊ ခင်ဗျားနဲ့ကျုပ် ဘာဆိုင်လို့တုံး။ ကျုပ်ကို ဒဏ်မခတ်ပါနဲ့။ တောင်းပန်ပါတယ်”  လို့ အော်ပြောတယ်။+ ၂၉ (ယေရှုက အဲဒီလူထဲ ဝင်ပူးနေတဲ့ နတ်ဆိုးကို  ထွက်သွားဖို့ အမိန့်ပေးလိုက်လို့ပဲ။ သူ့ကို နတ်ဆိုး ခဏခဏ ဝင်ပူးတတ်တော့+ သံကြိုးတွေ၊ ခြေကျဉ်းတွေနဲ့ ချုပ်နှောင်ထားလည်း သူက သံခြေကျဉ်းတွေကို ဆွဲဖြတ်တတ်တယ်။ နတ်ဆိုးက သူ့ကို လူသူကင်းမဲ့တဲ့နေရာဆီ သွားခိုင်းတတ်တယ်။) ၃၀ ယေရှုက “မင်းနာမည် ဘာလဲ” လို့မေးတော့ “တပ်ဖွဲ့” လို့ဖြေတယ်။ သူ့အထဲမှာ နတ်ဆိုးအဖွဲ့လိုက်ကြီး  ဝင်ပူးနေလို့ပဲ။