၃ ရှောလုက ခရီးထွက်လာပြီး ဒမတ်စကတ်မြို့နား ရောက်ခါနီးမှာ ကောင်းကင်က အလင်းတန်းတစ်ခု သူ့အပေါ် ရုတ်တရက်  ထွန်းလင်းလာတယ်။+ ၄ သူ မြေပေါ်လဲသွားတဲ့အခါ “ရှောလု၊ ရှောလု၊ ငါ့ကို ဘာလို့ နှိပ်စက်ညှဉ်းဆဲနေတာလဲ” ဆိုတဲ့အသံ ကြားလိုက်ရတယ်။ ၅ ရှောလုက “သခင်ဟာ ဘယ်သူလဲ” လို့မေးတဲ့အခါ “ငါဟာ မင်းနှိပ်စက်ညှဉ်းဆဲနေတဲ့+ ယေရှုပဲ။+ ၆ အခု၊ ထပြီး မြို့ထဲဝင်ပါ။ မင်းဘာလုပ်ရမယ်ဆိုတာ လာပြောပြလိမ့်မယ်” လို့ဖြေတယ်။ ၇ ရှောလုနဲ့အတူ ခရီးသွားတဲ့သူတွေက အသံကိုတော့ ကြားပြီး အသံရှင်ကို မမြင်ရတဲ့အတွက် စကားတစ်ခွန်းမှ မပြောနိုင်ဘဲ ရပ်နေကြတယ်။+ ၈ ရှောလုက မြေပေါ်ကနေ ထပြီး မျက်စိဖွင့်ကြည့်လိုက်တဲ့အခါ ဘာမှမမြင်ရတော့ဘူး။ ဒါနဲ့ သူ့ကိုတွဲပြီး ဒမတ်စကတ်မြို့ထဲ ခေါ်သွားကြတယ်။

၁၃ အရှင်မင်းကြီး၊ မွန်းတည့်ချိန်ရောက်တော့ လမ်းမှာ နေရောင်ထက် တောက်ပတဲ့ အလင်းတန်းတစ်ခုက ကျွန်တော်နဲ့ ခရီးသွားဖော်တွေအပေါ် ကောင်းကင်ကနေ ထွန်းတောက်လာတယ်။+ ၁၄ ကျွန်တော်တို့အားလုံး မြေပေါ်လဲသွားတဲ့အခါ ဟီဘရူးလို စကားသံတစ်ခု ထွက်ပေါ်လာပြီး “ရှောလု၊ ရှောလု၊ ငါ့ကို ဘာလို့ နှိပ်စက်ညှဉ်းဆဲနေတာလဲ။ တုတ်ချွန်ကို ကန်ရင် မင်းပဲ နာကျင်မှာပေါ့’ လို့ပြောတာကို ကျွန်တော် ကြားပါတယ်။ ၁၅ ဒါနဲ့ ကျွန်တော်က ‘သခင်ဟာ ဘယ်သူလဲ’ လို့မေးတော့ သခင်က ‘ငါဟာ မင်း နှိပ်စက်ညှဉ်းဆဲနေတဲ့ ယေရှုပဲ။