၃ တစ်ယောက်ယောက်က မှားယွင်းတဲ့  အယူဝါဒကို   သင်ပေးပြီး သခင်ယေရှုခရစ်ဆီက အကျိုးဖြစ်ထွန်းတဲ့ သွန်သင်ချက်ကိုရော+ ဘုရားတရား ကိုင်းရှိုင်းတတ်ဖို့ သွန်သင်ပေးတာကိုပါ+ လက်မခံရင်၊ ၄ သူဟာ မာနထောင်လွှားပြီး ဘာကိုမှ နားမလည်တဲ့သူပဲ။+ အချေအတင် ပြောဆိုရတာ၊ စကားလုံးတွေနဲ့ပတ်သက်ပြီး အငြင်းပွားရတာကို ဝါသနာကြီးတဲ့သူပဲ။+ အဲဒါတွေဟာ မနာလိုမရှုဆိတ်ဖြစ်တာ၊ ခိုက်ရန်ဖြစ်တာ၊ သွားပုပ်လေလွင့်ပြောတာ၊ သံသယဝင်တာ၊ ၅ အရေးမပါတဲ့ ကိစ္စအတွက် အမြဲငြင်းခုံတာတွေ ဖြစ်ပေါ်စေတတ်တယ်။ စိတ်ယိုယွင်းနေတဲ့သူတွေ၊+ အမှန်တရားကင်းမဲ့သူတွေက အဲဒီလိုဖြစ်အောင် ဆွပေးတတ်တယ်။ ဘုရားတရား ကိုင်းရှိုင်းတာဟာ အကျိုးစီးပွား ဖြစ်စေတယ်လို့ သူတို့ထင်နေတယ်။+

၉ ထူးဆန်းတဲ့  သွန်သင်ချက်အမျိုးမျိုးကြောင့်  လမ်းမလွဲသွားပါနဲ့။ အစားအစာကို* မဟုတ်ဘဲ မဟာကရုဏာကို အားထားပြီး စိတ်နှလုံးကို ခိုင်ခံ့အောင်လုပ်ပါ။  အစားအစာကိုပဲ အရေးပေးလွန်းတဲ့သူဟာ ဘာအကျိုးမှ မရဘူး။+

၁၇ ချစ်ရသူတို့၊ ဒါတွေကို ခင်ဗျားတို့ ကြိုသိထားတဲ့အတွက် တရားမဲ့သူတွေရဲ့ မှားယွင်းတဲ့လမ်းစဉ်နောက် မလိုက်ပါသွားဖို့၊ မှန်ကန်တဲ့လမ်းစဉ်မှာ   မြဲမြံနေဖို့  သတိထားကြပါ။+