Ka wajira obulonza bwa Yehova?

Rhukuvuzire omunkwa bwenene okubona wacihire akasanzi k’okusoma n’obushiru bwoshi ehi hitabu ly’omanya Abahamirizi ba Yehova, emikolo yabo, n’ecinyabuguma cabo. Rhucikebirwe oku omu kusoma ehi hitabu, wayumvirhe oku Abahamirizi ba Yehova bo bali bajira obulonza bwa Yehova ene. Rhukuhunyire ogenderere okuyiga binji kuli Nnamahanga, n’okushambalira bene winyu, n’abira bawe kw’ebi oli wayiga. Na kandi rhukuhunyire ocilunge haguma nirhu omu kuyisha oku ntimanano zirhu.​—Abahabraniya 10:23-25.

Oku wagenderera okumanya binji kuli Yehova ko wanagenderera okubona oku akusima bwenene. N’oko kwakurhabala ojire ebi ohashire byoshi lyo nawe omusima. (1 Yowane 4:8-10, 19) Cikwone, omu kalamo kawe ka ngasi lusiku, gurhi wankajira ly’oyerekana oku osima Nnamahanga? Bunguke buci wankabona erhi wankagenderera okushimba amarhegeko gage? Bici byakurhabala lyoba n’irala lyo kujira obulonza bwa Yehova haguma n’Abahamirizi bage? Omuhamirizi okuyigiriza Ebibliya asima bwenene okukurhabala ly’obona amashuzo kw’ago madoso ly’obera omu buzigire bwa Nnamahanga haguma n’omulala gwawe n’okulinda obuzine bw’ensiku n’amango.​—Yuda 21.

Rhukulalisire ogendekere wajira amajambere g’ekiroho omu kuyiga ecitabu “Obêre omu Buzigire bwa Nnamahanga.”