IBÎKIRO LY'OKU ENTERNETE Watchtower
Watchtower
IBÎKIRO LY'OKU ENTERNETI
Mashi
  • BIBLIYA
  • BICAPO
  • NTIMANANO
  • lfb isomo 12 buk. 34-buk. 35 cif. 1
  • Yakobo Amahâbwa Obwimo

Nta video eri mw’ehi higabi.

Habire ehya mazibu ene oba oli walonza.

  • Yakobo Amahâbwa Obwimo
  • Amasomo Wakayiga Kugerera Ebibliya
  • Mwanzi Gushushine
  • Yakobo na Ezau Bamajira Omurhûla
    Amasomo Wakayiga Kugerera Ebibliya
Amasomo Wakayiga Kugerera Ebibliya
lfb isomo 12 buk. 34-buk. 35 cif. 1
Yakobo amaha Ezau ebiryo ly’amugulira ehaki yage y’okuba nfula

ISOMO LYA 12

Yakobo Amahâbwa Obwimo

Izaki na Rebeka bali haguma n’amahasha gabo, Yakobo na Ezau

Izaki agwerhe myaka 40 erhi arhôla Rebeka. Al’imuzigire bwenene. Erhi hagera nsiku, baburha bana-rhabana babirhi b’amahasha.

Ezau ye wali cikuru, na Yakobo ye wali cito. Ezau akag’ilambagira bwenene, anali muhivi. Cikone Yakobo yehe akag’isima okubêra aha kâ.

Mw’ezo nsiku, erhi omushamuka akafîre omugala mukulu akag’ihâbwa mashwa manji na nsaranga nyinji. Ebyo byo byakag’ihamagalwa bwimo. Obwimo bw’omu mulala gwa Izaki, bwal’ihiziremwo okushangira oku ciragane Yehova ahaga Abrahamu. Ezau arhakag’ishibirira ebyo biragane, cikone Yakobo yehe al’imanyire oku biri bya bulagirire bwenene.

Yakobo na Ezau

Lusiku luguma Ezau alegerera ahiva anagaluka erhi arhamire bwenene. Ayumva ehisununu hinja hy’ebiryo Yakobo akag’ideka anaderha ntya: ‘Ishali lyamanyirha! Mpa kw’ebyo biryo!’ Yakobo aderha ntya: ‘Nakuha kuli ebi biryo. Cikone orhang’impa obukulu bw’okuba nfula, onandaganye oku nayish’ihâbwa obwimo bwawe.’ Ezau aderha ntya: ‘Ntaco obo bwimo bwanjirira! Oburhôle. Ompe kone ebi nalya.’ K’orhanyize oku ebyo Ezau ajiraga byali binja? Nanga, byali bibi bwenene. Ezau ahâna akantu k’obulagirire bwenene enyanya z’ebiryo byone.

Erhi Izaki ashosihala bwenene, akasanzi kahika k’okugisha omugala mukulu. Cikone Rebeka arhabala omugala murho Yakobo, ly’ahabwa ogo mugisho. Erhi Ezau amanya oko, akunira bwenene anahiga okuniga omulumuna. Izaki na Rebeka bal’ilonzize balange Yakobo, muli ntyo bamubwira ntya: ‘Yimuka, ojibera emwa Labani, mushinja wabo nyoko, kuhika oburhe bwa mukulu wawe Ezau buhwe.’ Yakobo ayumva ihano ly’ababusi bage anayasa obuzine bwage.

“Bici kwankakwanana omuntu okuba mwami w’igulu lyoshi, erhi ankaheza omûka gwage? Nisi erhi bici omuntu ankahâna ngulo y’omûka gwage?”​—Marko 8:36, 37

Amadoso: Ezau ali muntu wa gurhi? Yakobo ali muntu wa gurhi? Bici byarhumaga Yakobo agishwa ahali ha Ezau?

Omurhondêro 25:20-34; 27:1–28:5; Abahabraniya 12:16, 17

    Ebicapo by’Amashi (2000-2025)
    Orhenge
    Ocimanyise
    • Mashi
    • Rhumira abandi
    • Ebisimirwe
    • Copyright © 2025 Watch Tower Bible and Tract Society of Pennsylvania
    • Amarhegeko gw’okukolesa eyi site
    • Amarhegeko gw’okubîka ihwê
    • Paramètres de confidentialité
    • JW.ORG
    • Ocimanyise
    Rhumira abandi