LWIMBO 75
“Ndi Hano Waliha Ntuma!”
Cacapirwe
(Izaya 6:8)
1. Abantu bali bazinza
Izino lya Mungu wirhu.
Banaderhe mpu ‘nta misi
ajira n’okw’arhabaho.’
Indi wakamuhalira
N’okumulerher’irenge?
(KORASI 1)
“Ndi hano waliha ntuma!”
Nakuyimbira irenge.
Larha, luli lukengwa lunji
Okurhumwa na nawe.
2. Banji banarhanye oku
Yehova alegamire.
Barhamuyoboha ciru,
Banashenge ensanamu.
Indi wakaj’ibarhonda
Lugend’ivita lya Mungu?
(KORASI 2)
“Ndi hano waliha ntuma!”
Mbarhonde buzira boba.
Larha, luli lukengwa lunji
Okurhumwa na nawe.
3. Abirhohye bahahire
Enyanya z’obubi bunji.
Bali bayiga okuli
Lyo bahash’irhulirira.
Indi wabarhuliriza
Omu kubayigiriza?
(KORASI 3)
“Ndi hano waliha ntuma!”
Nagend’ibarhuliriza.
Larha, luli lukengwa lunji
Okurhumwa na nawe.
(Na kandi olabe Enna. 10:4; Eze. 9:4.)