LWIMBO 90
Rhukahânana Omurhima
Cacapirwe
(Abahabraniya 10:24, 25)
1. Rhweshi rhuhânan’omurhima
Lyo rhukolera Yehova.
Rhuzigire abantu boshi,
Rhube n’ecinyabuguma.
Okukolera Mungu wirhu
Kunarhume rhwalembera.
Rhunalangwe n’okuzigirwa
Omw’ikubuliro lirhu.
2. Okuyumva enderho nyinja
Kunarhuhe omurhima!
Enderho z’abirhu bemezi
Zinakarhurhuliriza.
Okukola haguma nabo
Kunakarhushagalusa!
Rhunahânane omurhima
N’okurhabala abandi.
3. Olusiku lwa Mungu wirhu
Lukola luyegerire.
Rhukarhimanana n’abandi
Oku ntimanano zirhu.
Rhuhizire okukolera
Yehova ensiku zoshi.
Rhuhe abirhu omurhima;
Lyo baba bishwekerezi.
(Na kandi olabe Lk. 22:32; Ebj. 14:21, 22; Gl. 6:2; 1 Ts. 5:14.)