Oku wakayungukamwo n’aga masomo

Cacapirwe

Ogayige haguma n’omwalimu: Obwire omuntu okuhîre eyi broshuwa akuyigirize Ebibliya, erhi oyandike ebihûnyirwe oku fomu eri oku site yirhu y’e Enternete jw.org.

ECIGABI CIRHANZI

Osome ngasi cifungo, n’amadoso gali omu lindi-lindi irangi (A) n’amandiko g’Ebibliya (B) galunzire emyanzi y’obulagirire okuboko. Wabona oku mandiko maguma-maguma galik’oluderho “osome.”

Ecimanyiso ciyerekine ebiri omu A na B omu cigabi cirhanzi c’isomo.

ECIGABI CA KABIRHI

Emisemwa mirhanzi eri omu higabi, (C) Humbirira ly’Ohugûkwa eyerekine entanya mwayiga, na ngasi cirhwe cisungunu (D) cihugwîre kwa bulîri entanya z’obulagirire. Musome amandiko g’Ebibliya gali aho, mushuze oku madoso munalole evideo (E).

Ecimanyiso ciyerekine ebiri omu C, D, na E omu cigabi ca kabirhi c’isomo.

Na kandi mulole enfoto n’amahugûlo gazo (F), mulole na gurhi mwakashuza oku madoso gali omu higabi hidesire Bantu Banji Banakaderha Ntya (G).

Ecimanyiso ciyerekine ebiri omu F na G omu cigabi ca kabirhi c’isomo.

ECIGABI CA KASHARHU

Ehigabi hidesire Kwa Bofofi n’Amadoso gw’Okucikengeza (H) rho rhugabi rhushwinjire isomo. Muyandike olusiku mwayusagya mwayiga isomo lyoshi. Ehigabi hidesire Omuhigo Gwani (I) hiyerekine ebi omwanafunzi akacihangana okujira. Ehigabi hidesire Ociyigirize kwa Bulîri (J) hirimo eyindi myanzi wakasoma erhi zindi video wakalola nk’olonzize.

Ecimanyiso ciyerekine ebiri omu H, I, na J omu cigabi ca kasharhu c’isomo.

Ecimanyiso ciyerekine ebiri omu A, B, na C oku bukurasa bw’Ebibliya.

Gurhi wakalonza olwandiko omu Bibliya

Izino likuyeresire ecitabu walonza (A), aha bakuyeresire ecigabi (B), n’omulongo erhi milongo (C). Kwa lwiganyo, Yowane 17:3 aho hayerekine ecitabu ca Yowane, cigabi ca 17, mulongo gwa 3.