NSIKU 19-25/2

ENNANGA 8-10

Lwimbo 2 n’Isala | Enderho z’Enshokolezi (Mun. 1)

OBUGALE BW’AKANWA KA MUNGU

1. “Navuga Nyamuzinda Omunkwa [Kumukuza]”!

(Min. 10)

Yehova aba mwinja bwenene kuli rhwe (Enna 8:3-6; w21.08 buk. 3 cif. 6)

Rhunashagalukire okukuza Yehova omu kuganirira abandi lugenda emikolo yage minja bwenene (Enna 9:1; w20.05-ZS buk. 23 cif. 10)

Na kandi, rhunamukuze erhi rhumuyimbira n’omurhima gwirhu goshi (Enna 9:2; w22.04 buk. 7 cif. 13)

Enfoto: Enjira rhwakakuzamwo Yehova. 1. Mwali wirhu okola mugikulu ali ahuburi omuntu w’okushibirira abashosi n’abagikulu. 2. Bene wirhu na bali birhu bali bayimba oku ntimanano. 3. Mwanarhabana muguma ahizire okuboko enyanya ly’ahana ishuzo oku ntimanano y’ecigamba. 4. Mwene wirhu ociri musole ali arhabala okucesa Enyumpa y’Obwami. 5. Mwali wirhu ociri musole ali ahubiri owabo mwanafunzi.

OCIDOSE NTYA: ‘Omu zindi njira zihi nakakuzamwo Yehova?’

2. Obuhirhi bw’Ekiroho

(Min. 10)

Enna 8:3—Bici omwandisi w’ennanga alonzagya okuhugûla erhi aganirira eminwe ya Nnâmahanga? (it-1-F buk. 663)

Your answer
Omu busomi bw’Ebibliya bw’ogu mugobe, buhirhi buhi bw’ekiroho wabwine wakaganirira?

Your answer

3. Obusomi bw’Ebibliya

(Min. 4) Enna 10:1-18 (th isomo lya 11)

OCIHÂNE BWENENE OMU MUKOLO GW’AMAHUBIRI

4. Okurhondeza Enganîro

(Min. 3) MAHUBIRI GA NYUMPA OKU YINDI. Nnanyumpa akubwire oku arhaba ayemire Nnâmahanga. (lmd isomo lya 5 nukta ya 4)

5. Okushimbulira Okusimisibwa

(Min. 4) MAHUBIRI G’AKASANZI KOSHI-KOSHI. Omu nganîro mwacizindig’ijira, omumvirhiza akubwizire oku arhaba ayemire Nnâmahanga, cikone oku alonzize abone ebintu by’okunali biyerekine oku haba omulemi. (th isomo lya 7)

6. Ehotuba

(Min. 5) w21.06 buk. 6-7 cif. 15-18—Ecirhwe: Orhabale Abanafunzi Bawe b’Ebibliya Bakakuza Yehova. (th isomo lya 10)

AKALAMO K’OMUKRISTU

Lwimbo 10

7. Oku Rhwakahubiri omu Njira Nyinja Akasanzi Koshi-Koshi

(Min. 10) Nshambalo.

Njira nguma rhwakakuzamwo Yehova bwenene, kuli kuhubiri abantu rhurhimanana nabo omu mikolo yirhu ya ngasi lusiku. (Enna 35:28) Oku murhondero, nkaba rhwanaciyumva rhuyobohire okuhâna obuhamirizi akasanzi koshi-koshi. Cikone, erhi rhwakayiga gurhi rhwakarhondeza enganîro n’okuzigendekeza omu njira nyinja, rhwanahikira aha rhwaba balenga omu kujira ogo mukolo, ciru n’okugushagalukira!

Cigabi c’omu video “Obe Mubidu Okuyaliza “Omwanzi Mwinja gw’Omurhûla”—⁠Okalonza Gurhi Wakarhondezamwo Enganîro.” Mwali wirhu amarhondeza enganîro n’owabo mukazi oli oku meza gali aha burhambi bwabo omu restora.

Mulole EVIDEO Obe Mubidu Okuyaliza “Omwanzi Mwinja gw’Omurhûla”—Okalonza Gurhi Wakarhondezamwo Enganîro. Enyuma z’aho odose abumvirhiza ntya:

Bici wayizire mw’eyi video byakakurhabala ly’oba n’obulenga bw’okukahâna obuhamirizi akasanzi koshi-koshi?

Your answer

Mahano masungunu gakakurhabala okukarhondeza enganîro:

Ngasi kurhenga aha ka okalongereza enjira wakarhondezamwo enganîro. Oshenge lugenda oko, onahûne Yehova akurhabale opate omuntu olonzize okukuyumvirhiza
Obe wa kujira obwîra na wa kuyerekana oku oshibirire abantu warhimanana nabo. Ocihangane okuyiga kantu kalebe lugenda omuntu kakakurhabala omanye mwanzi guhi gw’Ebibliya gwakamushagalusa
Olonze obulyo bw’okuhânana enimero z’etelefone n’e adrese erhi akaba kurhali kubi okujira ntyo
Orhavunikaga omurhima erhi enganîro zakahwa orhanacihâna obuhamirizi
Ogendekere warhanya lugenda oyo muntu enyuma z’enganîro zinyu. Ogendekere wayerekana oku oshibirire oyo muntu omu kumurhumira e lien y’olwandiko lw’Ebibliya erhi eya mwanzi mulebe guli oku jw.org

Opime Okujira Ntya: Erhi muntu mulebe akakudosa; ‘Gurhi wagezize obuzinda bw’omugobe?,’ wanamuganirira lugenda ebi wayizire oku ntimanano erhi lugenda omukolo ojira gw’okuyigiriza abantu Ebibliya.