NSIKU 29/4–5/5
ENNANGA 34-35
Lwimbo 10 n’Isala | Enderho z’Enshokolezi (Mun. 1)
1. “Okavuga Nyamuzinda Omunkwa [Kumukuza] Ngasi Mango”
(Min. 10)
Daudi akag’ikuza Yehova ciru n’amango akag’iba ali omu mazibu (Enna 34:1; w07-SW 1/3 buk. 22 cif. 11)
Daudi akag’icikungira Yehova, ci arhakag’icikunga yenene (Enna 34:2-4; w07-SW 1/3 buk. 22 cif. 13)
Enderho za Daudi z’obukuze zazibuhize abali haguma naye (Enna 34:5; w07-SW 1/3 buk. 23 cif. 15)
Enyuma za Daudi okulekana na Abimeleki, balume 400 barhalishagalukire oburhegesi bwa Mwami Sauli bacilunga haguma na Daudi omw’irungu. (1Sam 22:1, 2) Bihashikine oku Daudi akag’irhanya kw’abo bantu erhi ayandika olu lulanga.—Enna 34, enderho z’oku murhondero.
OCIDOSE NTYA: ‘Gurhi nakakuzamwo Yehova omu kasanzi ndi naganira na muntu mulebe oku ntimanano y’ecigamba ekulikire?’
2. Obuhirhi bw’Ekiroho
(Min. 10)
Enna 35:19—Bici Daudi alonzagya okuderha erhi ahûna Yehova oku arhalekaga abamushomba “bakemana n’amasu”? (w06-SW 15/5 buk. 20 cif. 2)
Omu busomi bw’Ebibliya bw’ogu mugobe, buhirhi buhi bw’Ekiroho wabwine wakaganirira?
3. Obusomi bw’Ebibliya
(Min. 4) Enna 34:1-22 (th isomo lya 5)
4. Okurhondeza Enganîro
(Min. 2) MAHUBIRI G’AKASANZI KOSHI-KOSHI. Enshambalo zamahwa embere ohâne obuhamirizi. (lmd isomo lya 1 nugta ya 4)
5. Okushimbulira Okusimisibwa
(Min. 4) MAHUBIRI G’AKASANZI KOSHI-KOSHI. (lmd isomo lya 2 nugta ya 4)
6. Okuhugûla Ebi Oba Oyemire
(Min. 5) Onyesho. ijwfq 59—Ecirhwe: Bici Birhabala Abahamirizi ba Yehova lyo Bahiga Erhi Banajira Lusiku Lukulu Lulebe? (th isomo lya 17)
Lwimbo 59
7. Njira Isharhu Rhwakakuzamwo Yehova oku Ntimanano
(Min. 15) Nshambalo.
Entimanano z’ecigamba zinarhuhe obulyo bwinja bwenene bw’okukuza Yehova. Rhuganirire njira isharhu.
Enganîro: Oganirire obwinja bwa Yehova amango oli washambala n’abandi. (Enna 145:1, 7) Ka wayumvirhe erhi kusoma kantu kalebe kakudwirhire obunguke? Ka hali kantu kalebe kinja wacibwinire omu mukolo gw’amahubiri? Ka wahîrwe omurhima kugerera enderho za muntu mulebe erhi ebijiro byage? Ka hali kantu kayerekire obulemi wabwine kakusomezize? Ebyo byoshi ziri ngalo kurhenga emwa Yehova. (Yk 1:17) Ohike miniti misungunu embere z’akasanzi ly’oba n’akasanzi k’okuganira n’abandi.
Amashuzo: Ocihangane okuhâna ciru ishuzo liguma lyone oku ngasi ntimanano. (Enna 26:12) Wanahâna ishuzo liyerekire ho n’aho idoso lyadosibagwa erhi kuhâna agandi mahugûlo lugenda akandi kantu, olwandiko, enfoto, erhi oku omwanzi gwakakolesibwa. Bulya abandi nabo bahira okuboko enyanya lyo bashuza, ocihangane okurheganya mashuzo manji. Rhwanaba na bulyo bunji bw’‘okurhûla Nyamuzinda enterekêro y’obukuze’ erhi rhwakakahâna amashuzo garharhalusiri segonde 30.—Hb 13:15.
Enyimbo: Okayimba n’obushagaluke enyimbo z’Obwami. (Enna 147:1) Hali amango orhakaba n’obulyo bw’okushuza oku ngasi ntimanano, ci bwenene omu cigamba cirimwo bantu banji, cikone ngasi mango wanacilunga haguma n’abandi omu kuyimba. Ciru wakarhanya oku orhayishi yimba bwinja, oyemere n’obwalagale oku erhi ojira okwawe koshi ly’oyimba, oko kunashagaluse Yehova! (2Kr 8:12) Wanacirheganya omu kucikomereza okuyimba enyimbo aha ka.
Mulole EVIDEO Rhukengere Ebirhuyerekire—Engalo y’Olwimbo, Cigabi ca 1. Enyuma z’aho odose abumvirhiza ntya:
Oku murhondero gw’ikubuliro lirhu lya mwa gano mango, gurhi rhwayerekinemwo oku okuyimba irenge lya Yehova kuli kwa bulagirire?