NSIKU 12-18/5

EMIGANI 13

Lwimbo 34 n’Isala | Enderho z’Enshokolezi (Mun. 1)

OBUGALE BW’AKANWA KA MUNGU

1. Orharhebagwa n’Itara ly’Omubi

(Min. 10)

Omuntu mubi arhajira obulangalire bw’amango gayisha (Mig 13:9; it-2 buk. 196 cif. 2-3)

Orhakomeraga abantu bakajira ebintu bibi bibonekane nka binja (Mig 13:20; w12 15/7 buk. 12 cif. 3)

Yehova anagishe abantu bashinganyanya (Mig 13:25; w04 15/7 buk. 31 cif. 6)

Enfoto: Olubero egarhi k’emihigo mibi ya mulume muguma orhali Muhamirizi n’eya bene wirhu babirhi Bahamirizi. 1. Oyo mulume orhali Muhamirizi ali asamira omu nyumpa bagulizamwo amamvu budufu anagwerhe amamvu omu nfune zage. 2. Enyuma z’aho amaciyumva alwazire anali anywa obufumu. 3. Omu bijingo biguma, bene wirhu na bali birhu bali bacishagalusa. Abo bene wirhu babirhi bali bashagalukira okuyimba haguma, okusama, n’okushangira ebiryo. 4. Enyuma z’olo lusiku bali omu mukolo gw’amahubiri. — Akalamo k’abantu bashimbulira okulonza obuhirhi bw’er’igulu karhaba kinja nk’oku kakabonekana. Cikone balya bajira obulonza bwa Yehova bajira omwishingo bulya baba barhimusirwe omu kalamo

2. Obuhirhi bw’Ekiroho

(Min. 10)

Mig 13:24—Bici olu lwandiko lurhuyigirize lugenda obuzigire n’obuhane? (it-2 buk. 276 cif. 2)

Ishuzo lyawe
Omu busomi bw’Ebibliya bw’ogu mugobe, buhirhi buhi bw’ekiroho wabwine wakaganirira?

Ishuzo lyawe

3. Obusomi bw’Ebibliya

(Min. 4) Mig 13:1-17 (th isomo lya 10)

OCIHÂNE BWENENE OMU MUKOLO GW’AMAHUBIRI

4. Okurhondeza Enganîro

(Min. 3) MAHUBIRI GA NYUMPA OKU YINDI. Enyuma z’okuganirira kantu kalebe bantu banji bali baganirira, oganirire akantu karhenzire omu Bibliya kakashagalusa omuntu. (lmd isomo lya 2 nugta ya 5)

5. Okurhondeza Enganîro

(Min. 4) MAHUBIRI G’AKASANZI KOSHI-KOSHI. Olalike omuntu oku ntimanano. (lmd isomo lya 2 nugta ya 3)

6. Ehotuba

(Min. 5) lmd enyushûlo A nugta ya 9—Ecirhwe: Abana Bakenga n’Okurhumikira Ababusi Babo Babêrwa. (th isomo lya 16)

AKALAMO K’OMUKRISTU

Lwimbo 77

7. “Akamole k’Omushinganyanya Kaba Kayasire”

(Min. 8) Nshambalo.

Akanwa ka Mungu kabamwo obumanye n’obwenge bwinja bwenene. Erhi rhwakakakolesa ebi rhuyiga kurhenga omu Bibliya rhwanaba n’omwishingo n’okubêrwa ensiku zoshi. Ebyo biri bintu igulu lirhakarhuha.

Ecigabi c’omu video edesire “Igulu Lirhakakuha Ebi Lirhagwerhi.” Mwali wirhu Gainanshina atamire omw’ishwa anagalamire emalunga.

Mulole EVIDEO Igulu Lirhakakuha Ebi Lirhagwerhi. Enyuma z’aho odose abumvirhiza ntya:

Gurhi olwiganyo lwa Mwali wirhu Gainanshina luyerekinemwo n’obwalagale oku “akamole k’omushinganyanya” kaba kalushire bwenene “akamole k’omuntu mubi”?—Mig 13:9

Ishuzo lyawe

Orhakag’iheza akasanzi omu kurhanya lugenda ebintu by’er’igulu erhi omu kuciyunjuza lugenda omuhigo warhôzire gw’okukolera Yehova. (1Yn 2:15-17) Lubero n’oko, okasegeza obwenge bwawe oku bunguke ‘burhajira lugero bw’obumanye’ wabire nabo.—Fl 3:8.