CIGABI CA 1

Njira Nci Rhuyumvirhizamwo Nnamahanga?

Rhunayumvirhize Nnamahanga kugerera Ebibliya. 2 Timoteyo 3:16

Kurhengera empingu, Yehova alongôza abalume mpu bayandike Ebibliya

Nnamahanga w’okuli akolêsa abantu, na ntyo bayandika entanya zage omu citabu ciguma citagatifu. Eco citabu yo Bibliya. Cibamwo emyanzi y’obulagirire bwenene Nnamahanga alonzize omanye.

Nnamahanga amanyire bici birhushinganine, yene ye nshôko y’oburhimanya. Okamuyumvirhiza, waba n’oburhimanya bw’okunali. —Emigani 1:5.

Ebibliya eri omu ndimi nyinji; omulume oli wasoma Ebibliya omu lulimi lwage

Nnamahanga alonzize ngasi muntu hanw’igulu asome Ebibliya. Ebibliya ekola eyandisirwe omu ndimi nyinji ene.

Akaba olonzize okuyumvirhiza Nnamahanga, ohunyîrwe osome Ebibliya onamanye ebirimwo.

Abantu b’amashanja goshi bali bayumvirhiza Nnamahanga. Mateyo 28:19

Muhamirizi muguma wa Yehova ali asomera mulume muguma Ebibliya, banakaciyigiriza Ebibliya haguma naye

Abahamirizi ba Yehova banakurhabala omanye Ebibliya.

Bal’ibayigiriza okuli lugenda Nnamahanga omw’igulu lyoshi.

Entimanano y’Abahamirizi ba Yehova omu Nyumpa y’Entimanano

Barhakuhûne kantu koshi-koshi mpu lyo bakuyigiriza Ebibliya. Kandi wanayiga emyanzi ya Nnamahanga omu Nyumpa y’Entimanano y’Abahamirizi ba Yehova.