Enshokolezi y‘Ecigabi ca 8

Yehova agishire Solomoni omu kumuha bwenge bunji n’omu kumuha olukengwa lw’okuyubaka ehekalu, cikone bunyi-bunyi Solomoni aleka Yehova. Akaba oli mubusi, ohugûlire omwana wawe gurhi abantu bakag’iharamya rhumungu rhw’obunywesi barhumire Solomoni aleka okukolera Mungu. Obwami bwagabikanamwo, n’abami babi barhuma abantu baba bagoma banarhondera baharamya ensanamu. Muli ago mango, balebi banji bishwekerezi ba Yehova bakag’ilibuzibwa bananigwa. Mwami-kazi Yezebeli arhuma abantu b’omu bwami bw’emwenè [Nord] baba bagoma bwenene. Ako kali kasanzi kazibu bwenene omu kalamo k’Abaisraheli. Cikone haciri bakozi banji bishwekerezi ba Yehova egarhi k’Abaisraheli, bal’ihiziremwo Mwami Yozafati n’omulebi Eliya.