ISOMO LYA 23

Wanayunguka Bwenene Erhi Wakacihangana Okuhikira Obubatizo!

Cacapirwe

Yezu adesire oku Abakristu bashinganine babatizibwe. (Osome Mateyo 28:19, 20.) Cikone obubatizo k’okuderha gurhi? Na bici omuntu akajira ly’ahikira obubatizo?

1. Obubatizo k’okuderha gurhi?

Oluderho “kubatiza” lurhenzire omu luderho lw’Ecigiriki luhugwîre “okuyubiza” kantu kalebe omu mishi. Amango Yezu abatizibagwa, ayubizibwa omu Lwishi Yordani, na buzinda ‘arhenga omu lwishi.’ (Marko 1:9, 10) Ko n’oko, erhi Abakristu b’okuli babatizibwa banayubizibwe omu mishi.

2. Bici Obubatizo buyerekana?

Obubatizo bunayerekane n’obwalagale oku omuntu acihanyîre emwa Yehova. Gurhi omuntu acihâna emwa Yehova? Embere omuntu abatizibwe, anabwire Yehova kugerera isala oku alonzize okumukolera ensiku zoshi. Analaganye Yehova oku akamuharamya yene n’oku okumukolera ko kaba kantu k’obulagirire bwenene omu kalamo kage. Anahige ‘okucilahira yenene . . . ashimbe’ n’enyigirizo za Yezu n’olwiganyo lwage. (Mateyo 16:24) Okucihâna emwa Yehova n’okubatizibwa, binarhabale omuntu abe n’obwîra bwa hofi-hofi haguma na Yehova n’abandi bemezi.

3. Gurhi omuntu akajira ly’ahikira aha abatizibwa?

Embere omuntu abatizibwe ashinganine ayige lugenda Yehova n’okuba n’obuyemere muli ye. (Osome Abahabraniya 11:6.) Erhi wakagendekera wamanya bintu binji kuli Yehova, ko n’obuyemere bwawe bwakagendekera bwasêra ko wakanagendekera wamuzigira bwenene. Na buzinda wanaba n’irala ly’okuhubiri abandi, n’okukenga amarhegeko gage. (2 Timoteyo 4:2; 1 Yowane 5:3) Erhi omuntu akaba ali alama “nk’oku Nyakasane [Yehova, NWT] alonzinze n’okukâjira ebimusîmîsize ensiku zoshi,” anahikira aha ahiga okucihâna emwa Nnâmahanga n’okubatizibwa.—Abakolosi 1:9, 10, Mashi Bible.a

HUMBIRIRA LY’OHUG

Olole ebi obubatizo bwa Yezu bwakarhuyigiriza n’ebi omuntu akajira ly’abatizibwa.

4. Ebi obubatizo bwa Yezu bwakarhuyigiriza

Osome Mateyo 3:13-17 ly’ociyigiriza binji okubiyerekire obubatizo bwa Yezu. Buzinda oganirire aga madoso:

Ka Yezu aciri kabonjo erhi abatizibwa?
Gurhi abatizibagwa? Ka bamubulagiraga amishi ah’irhwe?

Erhi Yezu ayus’ibatizibwa, arhondera okujira omukolo gw’obulagirire Nnâmahanga amubwiraga oku ajire hanw’igulu. Osome Luka 3:21-23 na Yowane 6:38, na buzinda oganirire er’idoso:

Erhi Yezu ayus’ibatizibwa, mukolo guhi ahizire oku nafasi ntanzi omu kalamo kage?

5. Nawe wanahikira aha wabatizibwa

Aha murhondero nkaba wanayoboha okucihâna emwa Nnâmahanga n’okubatizibwa. Cikone obo boba bwanahwa na buzinda ohige okubatizibwa. Ly’obona bantu baguma na baguma bajijire ntyo, olole EVIDEO.

VIDEO: Oku Wakajira Obwîra bwa Hofi-Hofi Haguma na Yehova (1:11)

Osome Yowane 17:3 na Yakobo 1:5, na buzinda oganirire er’idoso:

Gurhi omuntu akajira ly’acirheganya oku bubatizo?

A. Mukazi muguma ali acihâna emwa Nnâmahanga kugerera isala.

B. Oyo mukazi yo n’oyo amabatizibwa omu kuyubizibwa omu mishi ly’aba Muhamirizi wa Yehova.

Rhunacihâne emwa Yehova erhi rhumubwira kugerera isala oku rhusimire okumukolera ensiku zoshi
Erhi rhubatizibwa, rhunayerese abandi oku rhwacihânyire emwa Nnâmahanga

6. Erhi omuntu abatizibwa anabe muguma w’omu mulala gwa Yehova

Erhi omuntu abatizibwa anabe muguma w’omu mulala gw’omw’igulu lyoshi gubamw’ecinyabuguma. Ciru akaba rhurharhenga rhweshi hantu haguma rhurhanakuliraga omu cihugo ciguma, rhweshi rhujira buyemere buguma rhunanalongozibwe na makanuni maguma g’olugenzi. Osome Ennanga 25:14 na 1 Petro 2:17, na buzinda oganirire er’idoso:

Erhi omuntu abatizibwa anabe na bwîra bwa gurhi haguma na Yehova n’abandi bemezi?

Nfoto: Mwali wirhu mubatize ashagalusire bwenene bulya ali arhanya okubiyerekire obwîra bwinja haguma Yehova n’abandi omu cigamba. 1. Ali abwira oyo mwali wirhu okubiyerekire oku ali aciyumva. 2. Ali arhabala mwali wirhu muguma okulambagira. 3. Ali alya haguma n’abîra bage balushine emyaka. 4. Ye n’owundi mwali wirhu bali bahubiri mulume muguma. 5. Ali acirhôla enfoto ye n’abandi Bahamirizi ba Yehova babirhi barhagwerhi irangi liguma ly’omubiri.

HALI ABANTU BADERHA NTYA: “Ntacicirheganya oku bubatizo.”

Erhi akaba ntyo k’ociyumva k’orhanyize oku wacihangana ohikire ogo muhigo?

KWA BOFOFI

Yezu ayigirizize oku Abakristu bashinganine babatizibwe. Ly’omuntu ahikira obubatizo, ashinganine abe n’obuyemere muli Yehova, arhumikire amarhegeko gage n’okucihâna emwage.

Okucikengeza

Obubatizo k’okuderha gurhi, na bulya gurhi kuli kwa bulagirire okubatizibwa?
Lushangi luhi luli egarhi k’okucihâna emwa Yehova n’okubatizibwa?
Bici omuntu ashinganine ajire embere acihâne emwa Yehova n’okubatizibwa?

Rhwayusagya er’isomo omu nsiku:

Omuhigo Gwani

Okubuzinda bw’ecigabi ca 4 olole e liste y’ebi oshinganine okujira ly’obatizibwa, olole omwanzi gudesire, “Ka Nkola Nshinganine Okuhubiri Haguma n’Ecigamba?” na “Ka Nkola Nshinganine Okubatizibwa?”

Ogundi muhigo:

Ogundi muhigo

OCIYIGIRIZE KWA BULÎRI

Olole entanya z’okuli n’ez’obunywesi okubiyerekire obubatizo.

“Obubatizo k’Okuderha Gurhi?” (Mwanzi guli oku jw.org)

Olole ebi omuntu ashinganine okujira ly’ahikira aha abatizibwa.

“Kumupenda Yehova na Kuwa Mwenye Shukrani Kutakuchochea Ubatizwe” (Ilabiro ly’Akalalizi, ly’Omwezi gwa 3, 2020)

Olole gurhi omuhigo gw’okubatizibwa gwa mulume muguma gwayimangiraga oku kantu k’obulagirire kulusha okuciyumva kone.

“Walitaka Mimi Mwenyewe Nivumbue Mambo Ambayo Biblia Inasema Kabisa” (Ilabiro ly’Akalalizi, ly’omu lusiku 1/2/2013)

Olole bulya gurhi okubatizibwa guli muhigo gwa bulagirire bwenene n’oku wakacirheganya ly’oguhikira.

“Juu ya Nini Nibatizwe?” (Maulizo Yenye Vijana Wanajiulizaka—Majibu ya Kuwasaidia, Buku ya 2, sura ya 37)

a Ciru akaba omuntu âli amabatizibwa omu lindi idîni, ashinganine acib’ibatizibwa. Bulya gurhi? Bulya er’idîni lirhamuyigirizagya okuli kw’Ebibliya.—Olole Ebijiro by’Entumwa 19:1-5 n’Isomo lya 13.